Fyrsti AG skammturinn í vinnslu

[Tryggvi]

Við tveir félagar ákváðum að leggja fyrir okkur bjórbruggun.
Sjálfsögðu ákváðum við að henda okkur beint út í djúpu laugina og byrja á all grain bjór.

Allt hefur gengið vel, pöntuðum humla á netinu, korn og ger frá Ölvishollti.
Eftir mikla rannsóknarvinnu á netinu um bjórbruggun, m.a. hérna, þessi síða hefur hjálpað okkur mikið. Ákváðum við að henda okkur í þetta, eini gallinn var að við pöntuðum ómalað korn. Af einhverjum óskiljanlegum ástæðum héldum við að malað korn væri ekki með mikið endingargildi og að mala korn væri nú lítið mál.

Við prófuðum venjulegan "blender", einnig hakkavél en ekkert virðist skila nógu góðri niðurstöðu.

Því erum við að forvitnast um hjálp við að mala korn. Erum með um 7 kíló af korni samtals.

Allar ráðleggingar vel þegnar.

[arnarb]

Sæll Tryggvi.

Það eru nokkrir hér á spjallinu sem eiga kvörn til að mala kornið, þar á meðal ég. Við höfum verið óhræddir að leyfa fólki að mala kornið ef fólk kemur með það, en ég er hinsvegar að fara útúr bænum í fyrramálið og verð á mánudagsfundi Fágunar í kvöld.

Ég er ekki með bor tengdan við kvörnina þannig að þetta er smá "æfing" að taka 7 kíló

Ef engin annar svarar ykkur gætur þú haft samband við mig síðar í kvöld, eftir fundinn og komið og malað. 4771233.

[halldor]

Ég get malað þetta fyrir þig í kvöld eða á fimmtudagskvöldið.
Sláðu á þráðinn - 824-2453