Weissbier Hell fyrir sumarið

[helgibelgi]

Ætla að brugga þennan Weissbier fljótlega og var að spá í nokkrum hlutum.

Kornið er:

70% Wheat malt
3% Acidulated malt (Weyermann)
5% Cara Munich II (Weyermann)
22% Pilsner malt

Spurning 1: Á einhver Acidulated malt? Spurning 1 og 1/2: Gæti ég súrmeskjað pilsner malt í staðinn?

Uppskriftin kallar á einhverja þýska humla. Spurning 2: Hvað mælið þið hveitibjórsmenn með?

Ger: Wyeast 3068 (sýnist nokkrir eiga það í gerbankanum)

Meskiferli:
Maltose rest : 63 °C (145 °F) í 35 mín
dextrinization rest : 71 °C (160 °F) í 45 mín
mash-out : 76 °C (169 °F) (optional)

Kæla niður í 13-15°C eftir suðu og pitcha gerinu út í og leyfa síðan hækkun upp í 17°C og halda því þar í gerjun. Nota blow-off tube og fjarlægja brúnt krausen. Spurning 3: Hvernig hafið þið farið að þessu með að fjarlægja krausen? Ég held ég verði of hræddur við að sýkja bjórinn að ég þori því varla.

[hrafnkell]

Liggur nokkuð vel við að nota hersbrucker eða mittelfruh humla. Acidulated malt geturðu búið til (google)

[gunnarolis]

Ég á acidulated malt, þú getur fengið hjá mér ef þú vilt.

Notaðu bara Hallertauer Hersbrucker eða hallertauer mittelfruh í þetta, hersbrucker frekar.

Það að fjarlægja kreusen held ég að sé ekki mikið atriði.

Mér hefur fundist best að gerja hveitibjór við 17°C, það kemur mjög vel út. Passaðu bara að hafa nóg pláss fyrir kreusen (amk 33%) í fötunni, hef lent oftar en einusinni í því að sprengja lok af hveitibjórsfötu.

[hrafnkell]

Getur líka notað fermcap til að koma í veg fyrir að krausen verði til vandræða

[sigurdur]

Getur líka notað fermcap til að koma í veg fyrir að krausen verði til vandræða

Áttu nokkuð fermcap?

[Squinchy]

Er það ekki bara DIY, skera toppinn af samskonar fötu sem passar rétt ofan í virtinn ?, þ.a.s. ef það verður nægilega þétt

[helgibelgi]

Er ekki Fermcap eitthvað efni sem maður setur í suðu?

[sigurdur]

Er ekki Fermcap eitthvað efni sem maður setur í suðu?

Júbb.

[Feðgar]

Er ekki Fermcap eitthvað efni sem maður setur í suðu?

Er það ekki sett út í þegar maður setur gerinn út í virtina.

[helgibelgi]

Er ekki Fermcap eitthvað efni sem maður setur í suðu?

Er það ekki sett út í þegar maður setur gerinn út í virtina.

Er að lesa þráð á homebrewtalk og þar kemur fram að þetta sé notað í suðu til þess að koma í veg fyrir boil-over, en einnig út í gerjun til þess að koma í veg fyrir krausen uppbyggingu (sýnist mér)

[sigurdur]

Áhugaverðar upplýsingar á midwestsupplies

[hrafnkell]

Passar. Ég er farinn að setja þetta alltaf í eftir meskingu, þá slepp ég við boilovers og krausensprengingar. Þetta efni er samþykkt af Jamil og Chris White þannig að ég þykist öruggur að nota þetta. Á ekki að hafa nein áhrif á head retention.

Svo er ég líka farinn að nota þetta þegar ég sýð fisk, pasta og hrísgrjón - Afar þægilegt að þurfa ekki að hafa áhyggjur af því að það sjóði uppúr ef maður gleymir sér

[Idle]

Ég hef einmitt notað froðueyði um nokkurt skeið við suðu á fiski. Amma heitin átti þetta gjarnan til í töfluformi, en pabbi var með þetta í fljótandi formi í litlum sprautubrúsum, áþekkum þeim sem matarlitur fæst í.

[helgibelgi]

Ég keypti svona froðueyði frá ámunni og hann virkaði vel þegar ég var að sjóða virt fyrir startera. Það var byrjað að freyða upp úr og ég sprautaði nokkrum dropum ofan á og þá hætti strax að freyða og virturinn var þægur eftir það. Karlinn í búðinni segist nánast drekka þennan froðueyði (ekki taka því of bókstaflega samt )

En ég var að spá í með þessa uppskrift. Það stendur: "One addition of German hops worth about 40 mg/l alpha acid in the kettle full wort. This is about 1 g alpha acid in 25 l (6.6 gal) or 10 g 10% alpha acid hops in 25 l. The hops may be added before or after the wort comes to a boil. Boil time is 70 min."

Ætla líklega að nota Hersbrucker frá Hrafnkeli sem er 3% aa. Passar þá að nota 20 grömm í 15 lítra uppskrift?

Kveðja. Helgi

[helgibelgi]

Jæja, þá er þessi kominn í gerjunarfötuna eftir mesta flýtibrugg ever. Hafði bara 4 tima til þess að brugga og þrífa, en það var bara hressandi!

Mörg atriði sem ég hefði mátt hugsa betur áður en byrjað var:

1. var með ómalað korn => þurfti að henda því í ziplock poka og hamast á því í smá tíma (ég á ekki kökukefli) en sem betur fer bara 100 grömm af acid malti.

2. Samkvæmt uppskrift þarf að kæla virtinn niður í 15 gráður áður en maður hendir gerinu út í, náði honum bara niður í 18 gráður og henti gerinu út í bara samt!

3. Gerjun má ekki fara yfir 18 gráður en ég er ekki með ísskáp eða kæli. Ég fann samt aðra lausn: fann plastkassa/bala sem ég setti gerjunarfötuna í og fyllti síðan balann með vatni og setti tvær frosnar hálfslítra plastflöskur í vatnið til að kæla. Vona að þetta dugi til.

Spurning: Haldið þið að það sé mjög slæmt að ég setti gerið út í við 18 gráður miðað við að bjórinn á líklega eftir að kælast aðeins niður útaf kælingu frá vatninu/ísnum í balanum sem hann liggur í

[sigurdur]

Það skiptir trúlega ekki máli. Aðal ástæðan fyrir gerjunarhitastiginu er til þess að stjórna ester/fenól myndun.

[helgibelgi]

Hann er byrjaður að bubbla á fullu svo gerið hefur lifað þetta af

Hitastigið í balanum er samt 21 gráður, þarf að vinna betur í því að lækka það. Er ekki annars rétt hjá mér að við hátt hitastig með þetta ger kemur bananabragð/lykt? Er eitthvað meira sem kemur sem gæti verið slæmt? (ekki að banani sé slæmur, elska banana í hveitibjór!)

[sigurdur]

Jú .. en það eykst líka phenol við hærra hitastig.

[helgibelgi]

Það vantar appelsínugula kassa og ég vona að þið elskið myndir jafnmikið og ég. Svona reddaði ég kælingu fyrir hveitibjórinn: hann liggur í ca. 16 gráðu heitu vatni:

[bjarkith]

Hvað náðiru mörgum lítrum að virt?

[helgibelgi]

Náði 13 lítrum með 1.049 OG

[bjarkith]

Fínt, með 16l pottinum er það ekki?

[helgibelgi]

Já þetta er 16 lítra stálpottur, sá sem sést á myndinni.

[helgibelgi]

Var að skella þessum á flöskur og djöfull var sýnið gott! Hann fór frá 1.049 niður í 1.008

Ég sleppti lageringu (10 dagar skv. uppskrift) en miðað við hvað hann er orðinn góður hef ég engar áhyggjur. Reyni að koma með hann á næsta mánudagsfund.

Ætla að gera þennan strax aftur og vanda mig aðeins meira og lagera og alles og sjá hvort ég nái honum ennþá betri