Gat á tappa

[atlios]

Jæja núna er ég að fara að leggja í mína fyrstu lögn, og er gatið á glerkútnum sem ég mun nota fyrir gerjun 5 cm breitt.
Ég fór í ámuna og keypti mér svona gúmmítappa sem smellur í, en hann er ekki með gati.
Þessi ágæti maður sem seldi mér hann sagði að það væri ekkert mál að bora gat í gegnum hann.
Svo núna rétt í þessu fór ég að bora, en þegar ég var búin(var ekki með mjög breiðan bor) og tók hann til baka þá þrýstist gúmmíið bara til baka og lokaði aftur gatinu.

Því spyr ég, eruð þið með einhver góð ráð til að bora gat fyrir vatnslás í svona gúmmítappa?

[atax1c]

Gætir prófað að bora aftur með stærri bor, eða svipað stórum og þvermálið er á loftlásnum, kannski aðeins minni til að hann sé þá alveg þéttur í gatinu.

Eða þú gætir einfaldlega bara keypt þér svona tappa með gati og sleppt öllu veseni

[hrafnkell]

Vandamálið með borinn er að hann var í rauninni bara að gata gúmmíið, ekki að taka neitt efni úr því. Þú gætir þurft að hjakkast svolítið á þessu til að ná úr efni. Best væri líklega að hita eitthvað spjót og troða því í gegnum.

Getur líka prófað að googla "diy carboy stopper hole" eða eitthvað svoleiðis.

[atlios]

Ég hefði keypt mér tappa með gati ef hann hefði verið til
En ég gleymdi að taka fram að ég ætla að brugga í fyrramálið, og því þurfti ég svona A.S.A.P. reddingu
En ég var of fljótur á mér að setja þetta inn, því að ég þurfti bara að vera aðeins graðari á þetta og þá var þetta komið

[atlios]

Ég hefði keypt mér tappa með gati ef hann hefði verið til
En ég gleymdi að taka fram að ég ætla að brugga í fyrramálið, og því þurfti ég svona A.S.A.P. reddingu
En ég var of fljótur á mér að setja þetta inn, því að ég þurfti bara að vera aðeins graðari á þetta og þá var þetta komið

[Eyvindur]

Eitt sem ég vil benda þér á, sem getur komið að gagni í framtíðinni, er að passa alltaf að setja vatnslásinn í áður en þú setur tappann í kútinn (þú ert að tala um glerkút, ekki satt?). Ef maður setur vatnslásinn í þegar tappinn er kominn í kútinn á maður á hættu að missa tappann ofan í, og það er ekki skemmtilegt (skilst mér - var varaður við þessu áður en ég byrjaði, þannig að ég hef alltaf passað mig).

[gunnarolis]

Ég hef einusinni verið hársbreidd frá því að ná að setja tappa ofan í glerflösku, rétt náði að redda því.

En þú þarft ekkert að hafa áhyggjur af þessu, ef þú nærð ekki að gata tappann fyrir mánudag þá seturðu bara sótthreinsaðann álpappír yfir gatið á flöskunni, ferð í vínkjallarann á mánudaginn og kaupir tappa með gati.
Fyrstu 2-3-4 daga gerjunarinnar losnar svo mikið co2 að þú þarft ekki að hafa áhyggjur af því að það fari neitt niður í flöskuna.

[atlios]

Jæja, ég vildi bara deila með ykkur að ég tók bruggdag í gær og fékk arnar (bróðir tengdapabba) formann til að hjálpa mér svona í fyrsta skiptið.
Það var alveg ómetanleg hjálp! Takk aftur kærlega fyrir það

Byrjaði að hita vatnið um hálf 12 og var tappinn settur á um 4 leytið.
Við tókum brew in a bag og ég held að þetta hafi bara heppnast vel.
Allavega er gerjunin komin á fullt núna og gatið með vatnslásnum að standa fyrir sínu Svo er bara að vona það besta