Heimavinna helgarinnar, heimagerður candi sykur

[sigurdur]

Mig dauðlangar að útbúa einn belgískan dubbel bráðum og ákvað að búa mig aðeins undir það.
Þar sem að oft er notað candi sykur í Belgíska bjóra, þá langaði mig að prófa að búa til svoleiðis.
Hráefnið: 1 kg strásykur, 1 msk sítrónusafi, smá vatn.
Til að mæla hitastigið þá notaði ég bara kjöthitamælirinn sem að ég nota við bruggun.

Ég notaði leiðbeiningar frá Graham Sanders í Ástralíu.

Endaniðurstaðan var ekki alveg jafn harður sykur og þessi dökki candi sykur sem að fæst í búðum, heldur varð sykurinn meir eins og mjög sterk karamella (ég hitaði nákvæmnlega í 150°C og tók svo af hellunni .. hefði kanski átt að fara 1-2 gráðum ofar).

Útkoman var þessi ljósglóðarlitaði candi sykur, 1040gr.

[Eyvindur]

Mér skilst að dökki candi sykurinn sé ekki það sama og er notað í bjórgerð í Belgíu - það er síróp... Þannig að þú skalt ekkert vera að miða þetta við það, þetta er væntanlega ekta.

Flott mál. Ég er einmitt á leiðinni í svona. Gott að sjá að þetta er lítið mál.

[atlipall]

Ég hef notast við þessar leiðbeiningar: http://www.homebrewtalk.com/wiki/index. ... andi_Sugar

Ekkert mælt hitann eða neitt og fengið harðann og bragðgóðann sykur

[sigurdur]

Sykurinn varð harður hjá mér, bara ekki grjótharður.
En það kom mér mjög á óvart hversu ótrúlega einfalt þetta var.
Eina sem að maður þarf að passa sig á er að gera ekki of þykka plötu, mín varð uþb 1.5cm að þykkt og það var ótrúlegt vesen að brjóta hana. Ég mun annað hvort búa til minna í einu næst, eða nota stærri plötu.

[atlipall]

Ég hef skellt þessu í frystinn og þá verður þetta grjóthart og auðvelt að brjóta, sykuragnir eiga það þó til að dreifa sér um allt eldhúsið