Mér datt í hug að það væri ekki svo galið að safna saman ýmsum hollráðum tengdum bjórgerðinni, svona hitt og þetta sem við gerum til að spara okkur tíma, vinnu, peninga (og ónotaleg augnaráð betri helmingsins).
Meðal þess sem ég geri:
Skola bjórflöskurnar með heitu vatni jafnóðum og ég tæmi þær - þegar kemur að átöppun þarf aðeins að sótthreinsa (og skola, ef þið notið klór eins og ég).
Hreinsa öll áhöld jafnóðum eftir notkun. Sótthreinsiefni í úðabrúsa er líka gagnlegt.
Þrifnaður er dyggð, og það á ekki aðeins við um áhöldin sem þú notar. Mæli með sprittgeli eða sambærilegu (líkt og má finna í eldhúsum á veitingastöðum eða hjúkrunarheimilum) á hendurnar.
Á meðan ég hita vatn í meskikerið, vigta ég humla og korn, legg áhöldin í bleyti í klórlausn, skola meskikerið lauslega, pottinn, þurrka af eldhúsbekkjum, þríf vaskinn, o. s. frv.
Loka ketti (eða hunda) inni fjarri öllu fjörinu - með mat og náðhús!
Þegar suðu og kælingu er lokið, reyni ég að vera sæmilega drukkinn. Það hjálpar til við þrifin!
Last edited by Idle on 14. Oct 2009 16:10, edited 1 time in total.
Fyrirhugað: Bruggpása. Í gerjun: Ekkert. Í þroskun / lageringu: Ekkert. Á flöskum: Ekkert. Bruggað (AG): 588 l.
Ég fékk svo unaðslega hugmynd rétt í þessu! Á hérna auka kælibox sem ég gæti hitað og geymt vatnið í fyrir skolunina. Þá get ég látið renna beint í pottinn og hann svo á helluna þar til ég skola kornið. Ætti að flýta töluvert fyrir að ná upp suðunni.
Fyrirhugað: Bruggpása. Í gerjun: Ekkert. Í þroskun / lageringu: Ekkert. Á flöskum: Ekkert. Bruggað (AG): 588 l.
já eftir 6 tíma törn er ekki hjá því komist! Bara ekki vera of drukkin og gleyma að setja gerið í eða e-h álíka.
