Weizen

[Eyvindur]

Jæja, ég komst í gegnum meskingu og skolun (með herkjum) og gerði stóra lögun af weizen í gærkvöldi. Komst að því að potturinn minn ræður ekki við stærri skammta en 35l - þar sem ég get illa mælt meira en 30l ofan í pottinn var þetta svolítið skot í myrkri. Í öllu falli er ég með 35l í gerjun. Í 20l ætla ég að setja sítrónubörk og kóríander eftir gerjunina, en hinir 15 fá að vera ómengaðir.

Uppskriftin var u.þ.b. svona:

4 kg Pilsner
4 kg Hveiti
1 kg Hafraflögur

55g Willamette (60 mín)
50g Fuggles (1 mín)
(Svo henti ég restinni af Willamette humlunum út í með Fuggles í lokin - kannski 10-15g).

Meskingin var í svalari kantinum, en ég var reyndar með svo lélegan hitamæli að ég get ekki verið 100% viss. Reyndi að miða á 65-66, og held að það hafi gengið eftir, nokkurn veginn. Ég náði um 80% nýtni. OG var því aðeins hærra en til stóð, en ekkert stórvægilegt.

Þegar gerjun er lokið mun ég skræla utan af sítrónu, þurrka í ofni, mylja og henda í fötuna, ásamt kóríander. Ef mér finnst svo vanta meiri sítrónukarakter viku síðar ætla ég að búa til extract með vodka og skella því út í um leið og bjórinn fer á kút.

[kristfin]

af hverju ertu að þurrka börkinn?
verður hann ekki bitrari fyrir vikið, eða er það kannski pælingin?

[Eyvindur]

Nei, ég nota ekki hvíta dótið, sem er það beiska. Þeir sem til þekkja segja að maður eigi ALLTAF að þurrka börk áður en maður notar hann - maður fær víst ekki alla anganina úr ferskum berki. Og ég þekki það af eigin raun að heill börkur er ekki góður...

Ég las góðan pistil um þetta á Midwest foruminu um daginn, frá manni sem hefur gert miklar tilraunir með hvers kyns berki.

[Eyvindur]

Gerjunin gengur stórvel. Búbblíbúbbl... Tóm gleði.

[Idle]

Gerjunin gengur stórvel. Búbblíbúbbl... Tóm gleði.

Búbblíbúbbl er skemmtilegt. Líklega er skorturinn á ánægjustunum gerlanna orsök svefnleysis míns að undanförnu.

Hvers vegna notaðirðu annars hafraflögurnar, fyrst þú ert með 50/50 pilsner og hveiti? Hefði haldið að hveitið myndi gefa næga fyllingu og haus eitt og sér? Eða ertu e. t. v. að eltast við þessa "extra chewy" áferð?

[Eyvindur]

Mig langaði bara að prófa. Ég veit að það eru hafrar í Hoegaarden, sem er í uppáhaldi hjá mér, þannig að ég hugsaði bara, því ekki það?

[Idle]

Olræt. Ég var aðeins að velta fyrir mér hvort ævintýraþrá eða ákveðinn tilgangur stæði að baki.

[Eyvindur]

Ætli það sé ekki sittlítið af hvoru.