Humlar á útsölu

[Idle]

Puterbaugh Farms eru að bjóða mjög góð verð á humlum eins og er, og minnst er hægt að fá eitt pund af hverri tegund. Ég veit ekki um sendingarkostnaðinn, en þeir senda hvert sem er.

http://www.hopsdirect.com/hops/

[Andri]

skemtilegt úrval :þ

[kristfin]

ef einhver ætlar að kaupa, þá er ég til í að vera með

[Idle]

Mig sárlangar, en pyngjan leyfir það ekki að sinni.

[Eyvindur]

Mín pyngja eiginlega ekki heldur, en ég er voða hræddur um að ég geti ekki látið þetta framhjá mér fara... Látið vita ef einhver ætlar...

[kristfin]

ég ætla að kaupa mér
HAMA1 Amarillo Hop Leaf:
HNB1 Northern Brewer Leaf Hops
HCHIN1 Chinook Leaf Hops

ég verð í usa í næstu viku geng frá þessu á morgun, sendið mér línu ef þið viljið að ég kippi einhverju með fyrir ykkur.

kristfin@gmail.com

[Eyvindur]

Ég væri til í Amarillo, Chinook og Centennial - allt í pellet formi.

[sigurdur]

Kristján, ég sendi þér tölvupóst.

[Andri]

Sendi þér mail, hugsa að ég myndi taka pund af tjékka saaz humlunum. sendi þér mail

[kristfin]

var að mæta á hótelið. fullur kassi af humlum sem beið eftir mér.

fyrsta sem ég gerði var að fylla bað af kampavíni og sturta öllu útí. er í baði núna.

[sigurdur]

hahahaha

og hvernig bragðast þá kampavínið?

[Idle]

Ég lét vaða, þvert gegn betri vitund... Centennial, Perle, Saaz og Spalter.

[kristfin]

pantaðiru beint að utan?

ef svo, hver er sendingarkostnaðurinn?

[Idle]

Ég gerði það, já. Hef ekki hugmynd um sendingarkostnaðinn - hef raunar ekki fengið neitt frá þeim enn, ekki einu sinni tölvupóst til staðfestingar á pöntuninni.

[Idle]

Það varð einhver ruglingur á þessu í kerfinu hjá þeim, en ég fékk tölvupóst í gær. Pakkinn fór svo frá Ameríku í dag. Sendingarkostnaðurinn reyndist 42,5 USD. Hefði gjarnan tekið meira en fjögur pund, þar sem hvert auka pund bætir "nánast engu" við sendingarkostnaðinn (hefði ég tekið eitt pund í viðbót, hefði sendingarkostnaðurinn verið 49 USD, skv. tölvupóstinum frá þeim). Kannski seinna...

Mér skilst þó að "pundið" hjá þeim sé svolítið rokkandi, og yfirleitt um hálft kíló og jafnvel meira. Alltaf gaman að fá ríflega skammtað!

[Idle]

Pakkinn er kominn og bíður tollafgreiðslu (og verður væntanlega keyrður út í kvöld). Sex dagar frá póstlagningu úti, það er ekki svo slæmt.

[Idle]

Meiri ruglingur... Ég fékk Cascade í stað Perle. Sem er vel, því ég var kominn með bakþanka í gær, og hefði einmitt kosið Cascade í stað Perle.

[Oli]

já en það er hægt að kaupa cascade í ÖB, ekki perle

[Idle]

Það er vissulega hægt að fá Cascade þar, en ekki á þessu verði. Cascade koma til með að nýtast mér vel í þeim uppskriftum sem ég er að velta fyrir mér, en ég hef hvergi fundið sérstök not fyrir Perle (meira fyrir forvitnis sakir sem ég pantaði það).

Með öllu (innkaupaverð, sendingarkostnaður, tollur/aðflutningsgjöld, o. s. frv.) borgaði ég 14.000 kr. fyrir tvö kíló af humlum. 20.000 kr. kosta tvö kíló í ÖB. Munar svolitlu.

[Oli]

þú ert greinilega djúpt sokkinn 14 þús kall fyrir humla...vona að það sé ekki bara þinn skammtur! Ég á 2 únsur af perle ef þig vantar skipti einhvern tímann, hef ekki planað að nota þær enn.

[Oli]

Svo verðum við að vera duglegir að styrkja ÖB, maður veit aldrei hversu lengi þessi litlu brugghús endast í þessu viðskiptaumhverfi í dag. Þá þyrftum við að fara aftur í að panta allt korn og humla að utan.

[sigurdur]

þú ert greinilega djúpt sokkinn 14 þús kall fyrir humla...vona að það sé ekki bara þinn skammtur! Ég á 2 únsur af perle ef þig vantar skipti einhvern tímann, hef ekki planað að nota þær enn.

Og sjáðu til, hann var að bæta við 2kg af humlum við það sem að hann á nú fyrir.
Auðvitað er þetta langtímasparnaður og ég myndi hiklaust gera þetta ef ég ætti peninginn í það (fyrir þá humla sem að fást ekki hérna a.m.k.) ... á hann bara ekki

Upp á fjörið þá skulum við fara í smá útreikninga.

Forsendur:
Miðum við að Idle mæli eina einingu á 25gr af humlum, sem gerir þessi 2kg af humlum að 80 einingum.
Segjum að hver lögn sé 20 lítrar.
Segjum svo að hann noti að meðaltali 3 einingar í hverja lögn (sumar lagnir taka fleiri einingar og aðrar taka færri einingar).
Segjum svo að hann leggi í eina lögn á viku að meðaltali.

Niðurstöður
Laganir sem að humlarnir duga í: 26.67
Lítrafjöldi sem að humlarnir duga í: 533.4 L
Tíminn sem að tekur að klára humlana: rúma 6 mánuðir og 4 daga.

Þetta mun duga honum semsagt í smá stund.

[Idle]

Von á Perle humlunum innan 10 daga. Ég lét þau vita af þessum ruglingi með tölvupósti rétt áðan, og fékk svarið sent um hæl:

"Afsakaðu ruglinginn. Við sendum þér Perle humlana umsvifalaust án endurgjalds, og greiðum allan kostnað af sendingunni. Eigðu Cascade humlana sem sárabætur fyrir þennan misskilning."

Þetta þykir mér einstaklega fallega gert af þeim.

En jú, nafni hitti naglann á höfuðið. Þetta snýst bæði um langtímasparnað, sem og úrval. Ég fæ hvorki Saaz, Centennial né Spalter hér (né Perle). Ég kaupi glaður humla og korn af Ölvisholti, og auglýsi þá eftir fremsta megni (eða bjórinn, í það minnsta). Ef valið stæði á milli að borga 14.000 fyrir tvö kíló af humlum, eða 20.000 fyrir sama magn (og e. t. v. sömu tegund), hvoru boðinu tækir þú?

[Oli]

Von á Perle humlunum innan 10 daga. Ég lét þau vita af þessum ruglingi með tölvupósti rétt áðan, og fékk svarið sent um hæl:

"Afsakaðu ruglinginn. Við sendum þér Perle humlana umsvifalaust án endurgjalds, og greiðum allan kostnað af sendingunni. Eigðu Cascade humlana sem sárabætur fyrir þennan misskilning."

Þetta þykir mér einstaklega fallega gert af þeim.

En jú, nafni hitti naglann á höfuðið. Þetta snýst bæði um langtímasparnað, sem og úrval. Ég fæ hvorki Saaz, Centennial né Spalter hér (né Perle). Ég kaupi glaður humla og korn af Ölvisholti, og auglýsi þá eftir fremsta megni (eða bjórinn, í það minnsta). Ef valið stæði á milli að borga 14.000 fyrir tvö kíló af humlum, eða 20.000 fyrir sama magn (og e. t. v. sömu tegund), hvoru boðinu tækir þú?

Heppinn ertu að fá cascade humlana aukalega

Ekki spurning - ég myndi kaupa af Ölvisholti fyrir 20 þús Styrkja íslenska gæðabjórgerð og auka möguleika á að þeir haldi áfram að redda okkur gæðahráefni, hversu lítið eða mikið sem það gerir, þá er það alveg 6 þúsund kr virði

[Idle]

Undir flestum kringumstæðum myndi ég líka gera það; um þessar mundir er ég bara að reyna að fá sem mest, fyrir sem minnst.

Hinsvegar held ég að þeir séu ekki að græða nokkurn skapaðan hlut á korn- eða humlasölunni - þettu eru hráefni sem myndu hvort eð er nýtast þeim í eigin bjórgerð. Ég hef a. m. k. skilið Valla á þann veg, að honum sé meira í mun að upphefja bjór(ó)menninguna á Íslandi, en að reyna að hagnast á þessum fáu sem kaupa af honum hráefni.