Metanól eða etanól í drykknum.

[halki]

Er ekki að ræða um eimingu þannig að ég er ekki að brjóta reglu 1.
Hvernig er hægt að vita hvort það sé mikið magn metanóls(tréspíri) í heimabruggi? Held það sé ekki spennandi að verða blindur

[gunnarolis]

Þú ert tæknilega ekki að tala um eimingu en þú ert að tala um hlut sem verður ekki að vandamáli fyrr en við eimingu.

Það þarf um það bil eina únsu af hreinu metanóli til þess að valda óafturkræfri blindu og um fjórar únsur af metanóli til þess að verða venjulegum fullvaxta manni að bana. Það er ef metanólið er drukkið eitt og sér, og þá er það ekki í raun metanólið sjálft sem drepur þig, heldur efni sem verða til við niðurbrot metanólsins í líkamanum.

Eins og með svo margt annað snýst þetta um hversu mikill þynningin er, og í bjór er metanólið í það litlu magni að þú þarft ekki að hafa áhyggjur af því. Hinsvegar þyrftirðu hugsanlega að hafa áhyggjur af þessu ef þú værir að eima eða að brugga brennda drykki sem eru ekki hátt skrifaðir á þessu spjalli. En þar sem við erum akademískir þá gerum við ráð fyrir að þessi spurning snúist ekki að þeim hluta bruggsins sem er litinn hornauga hér.

Bottom line: Haltu þig við bjórinn og þá þarftu ekki að hafa áhyggjur af þessu.