Úrslit í Bruggkeppni Ölvisholts og Fágunar 2010

[arnarb]

Fyrstu bruggkeppni Ölvisholts og Fágunar lauk í gærkvöldi á tólfta tímanum. Dómnefndin vann frábært verk við að smakka alla þá 31 bjóra sem voru með í keppninni.

Eftirfarandi eru úrslit í Bruggkeppni Ölvisholts og Fágunar 2010.

Í flokki 6.5% og yfir:
1. Plimmó hópurinn - Imperial IPA (8%) -- 81,3 stig
Verðlaun: 200 gr. humlar + 20 kg malt frá Ölvisholti og úrvals kaffi frá Kaffismiðjunni
2. Eyvindur Karlsson - Christmas/Winter Speciality Spice (9,3%) -- 75,3 stig
Verðlaun: 100 gr. humlar + 10 kg malt frá Ölvisholti
3. Plimmó hópurinn - Traditional Bock (6,5%) -- 70,0 stig
Verðlaun: 100 gr. humlar frá Ölvisholti

Í flokki undir 6.5%:
1. Plimmó hópurinn - American Pale Ale (6,25%) -- 85,3 stig
Verðlaun: 200 gr. humlar + 20 kg malt frá Ölvisholti og gjafaaskja frá ostabúðinni Búrið
2. Sigurður Axel Hannesson - Dry Stout (4,4%) -- 70,4 stig
Verðlaun: 100 gr. humlar + 10 kg malt frá Ölvisholti
3. Óli Tryggvason - 13C Oatmeal Stout (5,87%) -- 70,3 stig
Verðlaun: 100 gr. humlar frá Ölvisholti

Besti bjórinn:
Plimmó hópurinn - American Pale Ale (6,25%) -- 85,3 stig
200 gr. humlar + 20 kg malt frá Ölvisholti.

Í dómnefnd sátu eftirfarandi aðilar:
Dave - Bruggmeistari hjá Ægir Brygghus í Noregi. Kanadískur er með Msc. in Brewing and Distilling frá Heriott Watt.
Stulli - Bruggmeistari hjá Ölgerðinni, með Diploma in Brewing Science and Engineering frá Bandaríkjunum.
Árni - Bruggari hjá Ölgerðinni.
Daði - Mikill sérfræðingur á bjór.
Eymar - Vínsérfræðingur og bjóráhugamaður, hefur m.a. verið með námskeið um bjór hjá Vínskólanum og skrifað um bjór í Gestgjafanum.
Dominiqe - Vínsérfræðingur, rekur Vínskólann. Leitað til hennar til að koma með sérfræðingsálit í bjórdómum sem DV stendur fyrir.
Sonja - Kaffi sérfræðingur og alþjóðlegur kaffidómari.
Valgeir - Bruggmeistari hjá Ölvisholt Brugghús, með Msc. in Brewing and Distilling frá Heriott Watt.

[karlp]

til hamingju strákar! hvenær ætlum við að fá úrslit/stig/"judges notes" fyrir bjór sem var augljóslega frábært, en kannski ekki nóg frábært? ég biða spenntur!

og takk fyrir kvöldið gott folk!

[Hjalti]

Já, væri æðislegt að fá heildar lista til að sjá hvernig hver uppskrift fór

[arnarb]

Hæ og takk fyrir frábært kvöld!

Ég er með allar nóturnar frá dómurum og er að taka þetta saman í Excel skjal. Á stjórnarfundi munum við svo fara yfir það hvernig best er að koma þessum nótum til keppenda.

kv.
Arnar

[kristfin]

endilega drífa út þessar nótur dómarana.

við þurfum líka að fá lýsingu á dómskríteríunni, þeas hvernig var dæmt, þar sem þetta var eitthvað heimatilbúið dómskerfi og ekki eins og er í usa td.

[Bjössi]

Já endilega að pósta eða gefa upplýsingar hvar er hægt að nálgast stigagjöf
ég vil endilega vita hvað minn bjór skoraði

[Eyvindur]

Ég er nú fyrst og fremst spenntur fyrir að fá einhver hlutlaus komment á bjórinn...

[halldor]

Ég veðja á að við strákarnir eigum þann sem skoraði lægst Plimmó Chili Porter.

Takk enn og aftur fyrir frábært kvöld.

[Stulli]

Ég er nú fyrst og fremst spenntur fyrir að fá einhver hlutlaus komment á bjórinn...

Því miður geta komment aldrei alveg verið hlutlaus, sama hversu þjálfaður hópur dómara er samankomin, en þið getið gert ráð fyrir hreinskilin komment

En takk fyrir mig, þetta var æðislegt kvöld!

[Eyvindur]

Hlutlaus að því leyti að þau eru nafnlaus, á ég við.

[halldor]

Sigurbjórinn er kominn í flokkinn "Uppskriftir".
Eins og ég sagði er hann mjög einfaldur.

[Chewie]

Hvenær getur maður átt von á feedback frá dómurum ?

[sigurdur]

Dómarnir munu koma mjög bráðlega, en það verður ekki tengt við nein nöfn.
Tölvupóstur / PM mun verða sent á hvern keppanda sem að getur tengt sinn bjór við keppnisnúmerin.

Skriflegar umsagnir um bjórana verða að öllum líkindum sendar á keppendur í gegn um tölvupóst.

[arnarb]

Í viðhenginu má finna Excel skjal með niðurröðun allra keppenda m.v. keppnisnúmer. Í skjalinu eru tveir flipar, fyrir sitthvorn flokkinn.

Þið ættuð að hafa fengið keppnisnúmerin ykkar send í tölvupósti í morgun. Vinsamlegast látið keppnisnefnd eða stjórn vita, ef þið hafið ekki fengið keppnisnúmerið ykkar.

[arnarb]

Varðandi umsagnirnar frá dómurunum þá er verið að yfirfara allar nóturnar. Við vonumst til að geta komið þeim til allra keppenda sem fyrst.

[Eyvindur]

Það eru ekki allir með nýjustu útgáfu af Excel. Væri séns að vista þetta þannig að við sem uppfærum office ekki árlega getum líka skoðað?

[arnarb]

Hmmm...Það eru til ókeypis Excel view-er frá Microsoft - læt samt eldri útgáfuna fylgja sem viðhengi

[halldor]

Í viðhenginu má finna Excel skjal með niðurröðun allra keppenda m.v. keppnisnúmer. Í skjalinu eru tveir flipar, fyrir sitthvorn flokkinn.

Þið ættuð að hafa fengið keppnisnúmerin ykkar send í tölvupósti í morgun. Vinsamlegast látið keppnisnefnd eða stjórn vita, ef þið hafið ekki fengið keppnisnúmerið ykkar.

Þetta er mikil snilld... takk fyrir

[arnarb]

Allir keppendur hafa fengið sendan tölvupóst með athugasemdum dómara fyrir þá bjóra sem hver keppandi sendi inn.

Ef einhver hefur ekki fengið sínar athugasemdir, endilega hafið samband við meðlimi keppnisnefndar eða stjórnar.

[halldor]

Frábært að hafa þessa punkta frá dómurunum. Nú hefst vinnan við að breyta og bæta
Þú stendur þig eins og hetja Arnar

[Eyvindur]

Stök snilld. Yndislegt að fá uppbyggilega gagnrýni og sjá hvað má betur fara.

Allir þumlar á lofti!

[karlp]

Það eru ekki allir með nýjustu útgáfu af Excel. Væri séns að vista þetta þannig að við sem uppfærum office ekki árlega getum líka skoðað?

OpenOffice 3 virka fint hjá mér.

[Idle]

Það eru ekki allir með nýjustu útgáfu af Excel. Væri séns að vista þetta þannig að við sem uppfærum office ekki árlega getum líka skoðað?

OpenOffice 3 virka fint hjá mér.

Einnig hér. Ég er næstum laus við MS Office í vinnunni (á minni útstöð -þúsundir eru bundnir við MS vegna samninga) vegna þess hve OpenOffice er skilvirkt. FU, Office!

[Classic]

Fyrir þá sem eru með eldri útgáfur af Office og í vandræðum með skjöl úr 2007 útgáfunni, þá má keyra þetta litla forrit til að gamli pakkinn skilji nýju skjölin:

http://www.microsoft.com/downloads/deta ... laylang=en" onclick="window.open(this.href);return false;

[kristfin]

af hverju fáum við ekki að sjá umsagnirnar um sigurbjórana.

eða er það komið hér einvherstaðar