Það er komið að því! Næsti mánaðarfundur Fágunar verður á Skúla Craft Bar þriðjudaginn 12. júlí kl. 20:00. Fræðsluerindið verður náttúruvín. Á dagskrá verður þó sitt hvað fleira en kútapartý Fágunar er rétt handan við hornið og verður tekið stöðuna á félagsmönnum hvað verður í kútunum. Jóladagatal Fágunar verður líka á dagskrá en í fyrra fjallaði Fágun um jólabjóra sem félagsmenn brugguðu og skiptu bróðurlega milli sín, einn bjór fyrir hvern dag í desember. Rætt verður bæði uppsetningin á dagatalinu og tekið verður við fyrstu skráningum á staðnum.
Við verðum eins og alltaf með félagsskírteini á staðnum og minnum á frábæru kjörin okkar á Skúla Craft Bar sem eru 15% af drykkjum.