Sælir.
Ég bruggaði Bee Cave í sumar og notaði 6.6 gr af sykri pr. líter.(eins og brew.is mælir með í byrjendaleiðbeiningunum) og fannst vera full lítil kolsýra í honum.
Núna er ég með þrjár uppskriftir frá brew.is sem fara fljótlega á flöskur og vantar ráðleggingar frá ykkur reynsluboltunum hversu mikinn sykur ég ætti að nota til að kolsýra.
Mér var bent á þessa síðu til að reikna út hæfilegt magn. Eins og ég sagði áðan, fannst mér kolsýran í Bee Cave vera alveg í það minnsta og myndi vilja hafa aðeins meira gos og froðu án þess þó að eiga á hættu að tapparnir skjótist af.
Belgískur Blonde (Belgian Ales 1.9 - 2.4 volumes) Ef ég miða við 2.4 þá gefur það mér ca 6.2 gr per líter. Sem mér finnst full lítið miðað við kolsýruna í Bee Cave.
Hafraporter (Porter, Stout 1.7 - 2.3 volumes) 2.3 gefur 5.75 gr. per líter.
Hveitibjór, hvítur sloppur. (German Wheat Beer 3.3 - 4.5 volumes) 9,75 - 14.5 gr per líter.
Nú er ég að spá hvort ég geti treyst þessum tölum til að fá hæfilega kolsýrt öl, hvort mér sé óhætt að setja aðeins meira í Blond-inn og Porterinn og hvort að mér sé virkilega óhætt að setja svona mikið í hveitibjórinn án þess að allir tappar skjótist af og allt fari í rugl.
Eru ekki einhverjir hér sem hafa reynslu af þessum (eða alíka) uppskriftum sem geta miðlað af sinni reynslu ?