Ég tók gerjunarskápinn á næsta level með BrewPi hitastýringu sem tengist í web server á Raspberry Pi. Það er hægt að stjórna hitastiginu, fylgjast með og logga alla gerjunarsöguna beint frá tölvunni minni eða símanum.
Fyrst fann ég notaðan kæli með glerhurð á bland sem var í frekar lélegu ástandi. Ég tók hann allan í gegn og spreyaði hann upp á nýtt.
Það kom síðan í ljós að þetta var mjög hentugur skápur í þessar breytingar. Að leiða snúrur, festa tengi og hitamæli og slíkt kom mjög vel út.
Ég bætti í hann 60W tube heater þannig að ég get bæði kælt og hitað. Ég þarf því 2 Solid State Relay sem tengjast bæði beint í BrewPi.
Það eru 2 hitamælar notaðir í þessari stýringu, einn sem mælir hita í skápnum sjálfum og annar sem mælir hitann í virtinum. Með því að gera þetta svona er hægt að halda nákvæmi upp 0,1 gráðu. BrewPi stýringin sjálf er Spark Core talva og hún er með innbygðu WiFi, hins vegar er BrewPi en í þróun og ekki búið að setja inn WiFi virknina enn, ég þarf því að hafa Raspberry-inn tengdan í beint í fyrst um sinn. BrewPi er líka með snertiskjá og hugmyndin er að þú eigir að geta stillt stýringuna með honum en það er líka eitthvað sem á eftir að þróa.
Hér gerði ég prófun þar sem ég setti 33°C heitt vatn í skápinn og stilti BrewPi á að halda 18°C hita föstum. Græna línan er hitamælirinn í vatninu og fer rétt svo niður í 17,9°C og heldur svo alveg 18°C stöðugum. Stólparnir fjólubláu á x-ásnum segja til hvort kælipressan hafi verið í gangi. Ef það koma rauðir stólpar þá merkir það að hitarinn hafi verið í gangi.
Það er síðan hægt að búa til hita profile alveg eins og manni dettur í hug. Ég setti hér upp hita profile fyrir lager gerjun eftir aðferð sem Hrafnkell hafði skrifað um
http://brew.is/blog/2014/12/godur-lager-a-stuttum-tima/