Sælir/Sælar
Nú hef ég ákveðið að byrja að gera lagera reglulega. Ég gerði Bohemian pilsner um daginn sem kom þokkalega vel út og var mjög svipaður og sá sem Hrafnkell setti á bloggið sitt ; http://brew.is/blog/2014/12/godur-lager-a-stuttum-tima/ . Gerjunar prófílinn var nákvæmlega eins en uppskriftin aðeins breytt. Eina vandmálið var að það varð örlítið off-flavor bragð af honum og ég er nokkuð viss um að það sé svokallaða ,,diacetyl'' sem á að minna á smjörkeim en bragðið er ekki eins og smjör. Enda erfitt að greina það nánar því það var svo lítið. Ég held að það gæti hafa komið vegna þessa að hitinn í diacetyl rest var kannski um nokkrar gráður lægri vegna þess að hitaneminn var ekki einangraður og greindi þess vegna umhverfishitan en ekki hitan í gerjunar ílátinu.
Nú hefur maður séð marga gerjunar prófíla á netinu um hvernig á að gera lager. Í næsta skipti ætla ég að leyfa lengri gerjun en ég var að velta því fyrir mér hvaða prófíla menn hafa verið að nota og hafa reynst þeim mjög vel?
Kveðja Eyþór