Komið hefur til tals að halda Gorhátíð 2015 á Akureyri. Þetta gæfi okkur tækifæri á að heimsækja félagsmenn fyrir norðan og sjá hvað þar er í gangi. Þá væri líka upplagt að heimsækja nokkur brugghús þar, til að mynda Gæðing, Kalda, Segul 67 og Víking.
Stefnt er á að fara um miðjan október. Fyrirkomulagið yrði nokkur veginn með þeim hætti að farið yrði úr bænum um kl. 17 á föstudegi. Fyrst yrði stoppað hjá Gæðingi og komið inn á Akureyri um kvöldið. Á laugardegi yrðu önnur brugghús heimsótt. Svo yrði sjálf Gorhátíðin haldin um kvöldið með norðlenskum félögum. Farið suður aftur á sunnudagsmorgni, komið í bæinn upp úr kl. 16. Reynt yrði að halda fargjaldi í lágmarki fyrir félagsmenn, en gisting yrði á ábyrgð og kostnað hvers og eins. Norðanmenn eru að sjálfsögðu líka velkomnir með.
Vinsamlegast látið vita hér ef þið hefðuð áhuga á að koma með með því að svara þessari könnun hér. Ath að þá má breyta svari síðar ef ykkur snýst hugur.