Sælar dömur, ég ákvað bara að prófa þetta eftir smá pælingar þar sem einn meðlimurinn hérna sýndi gerjunartunnu í baðkarinu sínu sem hann var ekki að nota.
Ég ákvað að mæla kalda vatnið úr krananum hjá mér og það var 8,5°C sirka. Fyllti 5 gallona (23l) glerílát (carboy) af vatni og lét ofan í gerjunartunnu. Lét svo kalt vatn renna í gerjunarfötuna og mældi hitastigið á vatninu í glercarboyinu næsta dag og það var 9°C.
Eftir þessa tilraun ákvað ég að skella í lögun og búa til lager. Brew Canada kit'n'kilo lager dót með kíló af dextrósa. Ég lét WYEAST Danish lager ger út í þetta, fannst pokinn tútna ansi lítið út en ég var með lögunina tilbúna og ákvað að skella því bara út í (gerið hafði verið týnt í pósti í þónokkurn tíma) eftir nokkra daga við 9°C þá var þetta ekkert byrjað að búbbla. Þannig að ég ákvað bara að skella gerinu sem fylgdi kittinu.. Ég bjóst náttúrulega við því að það myndi búa til ógeðslegt aukabragð en hafði ekkert annað ger í höndunum og þessar verzlanir hérna bjóða ekki beint upp á mikið úrval af geri..
Tók sample með vínþjóf í gær, bragðaðist asskoti vel. Þetta er örugglega búið að sitja þarna í 4-6 vikur, búbblar á 2 mínútu fresti og er mjög nálægt því að ná final gravity "FG". Það er rosalega tær liturinn á bjórnum þegar ég lét hann í glas.
Veit ekki hvort þessi verður tilbúinn fyrir Oktoberfestið..
(ef þið ætlið út í þetta þá væri kanski sniðugra að kaupa fötu sem er nákvæmlega eins í húsasmiðjunni... sama plastefni notað í hana líka en þeir selja ekki lok.)
Vatnið að gusslast í niðurfallið
Hallærislegar peysur sem ég keypti einhverntíman þegar ég var í 8. bekk í grunnskóla.
Bjórinn, krausen þarna og þarna er eitthvað hné fitting sem passaði á ónýtu sturtu slönguna sem ég var að skipta út, hún fer svo ofan í holræsið.
Garðslanga úr krananum fer bara ofan í fötuna.
Eina vandamálið er að útgangurinn (hné nippillinn) er bottleneck á vatnsflæðið þannig að ég get ekki haft mikið flæði en ég reddaði því með því að skella bara meira af fötum til að einangra þetta betur