Heil og sæl, öllsömul.
Nýlega höfðu Þjóðverjar sem standa fyrir kvikmyndahátíð norður á Hólmavík samband við mig og báðu mig að hjálpa sér, því þeir vilja vinna með íslenskum heimabruggurum að því að búa til einhvers konar hátíðarbjór(a) sem yrði í boði á hátíðinni. Þeir ætla að flytja tvo atvinnubruggara frá Þýskalandi hingað til að vinna með heimabruggurunum, og planið er að henda í ca. 200 lítra alls, sem þarf svo að setja á flöskur eða kúta og verða í boði á Turtle Film Festival, sem fer fram um miðjan ágúst. Það er ekkert endilega skilyrði að allir bjórarnir séu eins, og forsvarsmenn hátíðarinnar eru nokkuð opnir hvað umbúðir varðar. Þeir eru aðallega spenntir fyrir crowdsourcing elementinu í þessu.
Spurningin er: Hafa menn hér áhuga á að brugga á eigin græjur með þýskum atvinnumönnum?