Coopers Real Ale blanda

[sigurdur]

Ég var að setja í eftirfarandi lögun:

Steep í 30 mín við 76 gráður (sem að féll um nokkrar):
100 gr CaraAroma
100 gr CaraPils

Malt:
1.7kg Coopers Real Ale
2x 465 gr Community Malt Extract (eitthvað úr Lyf og Heilsa)

Humlar:
25gr Fuggles 30 mín

Ger:
2x 7g Coopers Ale yeast (rehydrated)

Aðferð:
30 mín suða á 15 lítrum og bætt 8 lítrum af köldu vatni. Þetta allt saman kælt niður í um ~25 gráður áður en gerinu er hent út í virtinn.

OG: Mældist ~1.039

Mér tókst að eyðileggja fína analog hitamælinn sem að ég fékk úr ámunni á sínum tíma, virturinn var trúlega í 70 gráðum en mælirinn mælir bara 40.

EDIT: Davíð (david) var með mér í þessu að mestum hluta, svo júdasaðist hann út vegna þess að hann var með bjórþorsta.

[Idle]

Gott að vita að þú hafir fullnýtt launin fyrir vinnuna. Mér líst vel á þetta!

[sigurdur]

Já, þau komu sér vel þessi laun

[Idle]

Ég hlakka til að bragða á þessum, ef mér mun hlotnast sá heiður. Ég skal lofa þér flösku af old ale í staðinn - fyrsta AG sem ekki hefði orðið til án þinnar vinnu.

[sigurdur]

Það verður án efa mjög auðvelt að redda því.

Núna er undir 12 tímum frá því að ég henti gerinu í og það er nú þegar farið að bubbla og krausen að myndast (hálfur sm kominn). Ég tel að það sé ekki ósniðugt að vökva gerið áður en maður setur það út í.

[kristfin]

Ég var að setja í eftirfarandi lögun:
2x 465 gr Community Malt Extract (eitthvað úr Lyf og Heilsa)

hvað kostaði þetta malt extract. ég sé að það kostar 1.38 pund hér http://www.ecofair.co.uk/shop/Online_Ca ... rs_84.html" onclick="window.open(this.href);return false;

mig langar í smá malt extract til að búa til startara

[sigurdur]

Ég var að setja í eftirfarandi lögun:
2x 465 gr Community Malt Extract (eitthvað úr Lyf og Heilsa)

hvað kostaði þetta malt extract. ég sé að það kostar 1.38 pund hér http://www.ecofair.co.uk/shop/Online_Ca ... rs_84.html" onclick="window.open(this.href);return false;

mig langar í smá malt extract til að búa til startara

Athugaðu að þetta er fljótandi malt extract.

Það kostaði að mig minnir um 600-700 krónur eða svo krukkan.

[Eyvindur]

Já, það er smá vesen að búa til starter úr fljótandi geri, en þó er það það eina sem ég hef gert þegar ég hef gert starter (í þessi tvö skipti - hef haldið mig við þurrger síðan). Það þarf að reikna það öðruvísi út, því þéttleikinn er annar enn í þurru extracti.

Annars er líka vel hægt að búa til starter úr korni, með því að gera agnarsmáa meskingu í pressukönnu. Ég hef reyndar bara gert það einu sinni og það virkaði ekki, en ég kenni gerinu um það, ekki aðferðinni. Árni kenndi mér að gera þetta, kannski hefur hann gullkorn í púkkið.

[kristfin]

varstu búinn að smakka útkomuna úr þessu siggi

[sigurdur]

Já, mér fannst þetta ekki mjög ósvipað Coopers Bitter, hann var amber litaður og með örlítið beiskt eftirbragð. Ekki slæmur.
Hann er hinsvegar aðeins 3.6% ABV.
Hann er of kolsýrður, en ágætur annars.

[kristfin]

varstu búinn að nota svona coopers kit áður. ég er að spá í hvað abragð þetta community malt sé að gefa manni

[sigurdur]

Nei, ég hef ekki notað svona Coopers kit áður þannig að ég á erfitt með að segja til með bragðið á Community maltinu.