Brenndur virktur

[arni]

Heil og sæl

Þetta er minn fyrsti póstur hér inni fyrir utan sjálfskynninguna sem mér skilst að sé ekki valkvæð

Ég hef bruggað einhverja tugi bjóra síðustu ár og aldrei lent í neinu veseni (það var reyndar þarna jólabjórinn um árið sem ég gaf nafnið death by cinnamon…).

Ég var með frekar minimalískar græjur, 25 lítra pott á eldavélahellu en svo ákvað ég að uppfæra í 50ltr pott með elementi (3,5kw), þetta sem Hrafnkell selur. Ég þurfti auðvitað nýjan poka í pottinn (BIAB). Keypti eitthvað gardínuefni og lét sauma fyrir mig.

Skemmst frá að segja þá brann bjórinn illa við. Þegar ég ber pokann saman við þann gamla sé ég að möskvarnir eru töluvert stærri samanborið við gamla pokanna minn. Hef nú reddað mér nýjum poka með réttum þéttleika og skrúbbað svarta stöffið af hitaelementinu.

Spurningar:
1) Með svona hitaelement (3,5 Kw 50w/in^2) er einhver sjens að virkturinn brenni við ef pokinn er í lagi (jafnvel með hveiti eða rúg)? Það er, þarf ég (brenndi maðurinn) að redda mér stýringu?
2) Þeir sem EKKI nota einhverja stýringu eða viðnám með svona hitaelementi, hafið þið lent í brunnum virkti?
3) Ég hef búið í þeim þægilega heimi að þurfa ekki humlapoka - eru þeir nauðsyn í þessu tilliti?

[Plammi]

Lætur þú pokann liggja á elementinu eða ertu með falskan botn?
Ég er með sama setup og þú og hef ekki lent í veseni, það sest alltaf eitthvað smá á elementið en það er aldrey brennt og alltaf auðvelt að ná af með hefðbundnum þvottasvampi (svona sem er aðeins grófari örðu megin).

[arni]

Takk fyrir svarið!

Pokinn liggur reyndar á elementinu (auðvitað aldrei þegar það er í gangi), ætli það setjist þannig nóg á það til að brenni við? Mig grunar auðvitað helst að þetta hafi verið þessi grófi poki en bara svona til vonar og vara - svo það fari nú ekki meiri bjór til spillis.

/Árni

[hrafnkell]

Elementið er amk "tried and tested", menn eru almennt ekki að lenda í því að það brenni á þessum elementum, að þessu gefnu:

1. Að elementið sé alltaf þrifið eftir bruggun - það á að líta út eins og nýtt, eða svo gott sem. PBW er frábært til að þrífa element.
2. Að það liggji ekkert á elementinu þegar það er í gangi

[Eyvindur]

Ég fékk heiftarlega brunarúst á mitt element um daginn, og ég tengi það við agnir úr korninu, þar sem pokinn lá of lengi í (trissuvesen) (það er það eina sem mér finnst ganga upp). Reyndar extra löng suða, en ég er með 5.500W elementið, sem á að vera með mjög lágt density, og ég var með það stillt á 65%, ef ég man rétt. Þannig að ég held að grófur poki gæti alveg mögulega spilað inn í.

[arni]

Takk fyrir svörin

Ætli ég skelli ekki allri sök á pokann og haldi ótrauður áfram í næstu lögn. Eftir smá lestur þá sýnist mér menn almennt ekki vera að lenda í þessu með element með svona lágt watt-density. Það eina sem stendur eftir er spurningin um þörfina fyrir humlapokann. Líklega hvort sem er betri vinnubrögð að nota humlapoka þannig að ég hugsa að ég taki enga sénsa, amk á meðan ég venst nýju græjunum.

Bestu kveðjur, Árni

[Eyvindur]

Þú getur líka bara notað kornpokann fyrir humla. Ég hef gert það með góðum árangri.

[arni]

Jæja þetta var hel... pokinn!

Prófaði að gera mér hveitibjór og henda humlunum beint útí. Ekkert brann þrátt fyrir hveiti, elementið á fullu og frjáls-syndandi humla.

[helgibelgi]

Hvaða gardínuefni var þetta sem þú notaðir? Svona til að vara aðra við

[Plammi]

Gleymdi alveg að svara með humlapokana.
Sjálfur hef ég aldrey notað humlapoka en hef verið að skoða það samt, þó ekki út af brenndum virti, heldur eingöngu til þurrhumlunar.
Sé að þú ert búinn að prufa þetta og ég get sagt þér að þetta verður heldur ekkert vandamál með stærri IPA bjóra.