Þurrhumlun - sýkingarhætta

[maestro]

Eru menn ekkert hræddir um að sýking gæti borist í bjórinn með þurrhumlun ? Allt draslið sótthreinsað í bak og fyrir, ílát, verkfæri, flöskur og kútar. Að bæta svo við humlum eftir suðu og gerjun hlítur að auka hættu á sýkingu.

[Eyvindur]

Nei, það er held ég algjörlega útilokað. Í fyrsta lagi er bjórinn orðinn áfengur eftir gerjun, og ver sig þar af leiðandi fyrir flestum óværum. Í öðru lagi eru humlar sótthreinsandi (sem er hluti af ástæðunni fyrir því að farið var að nota þá, frekar en aðra beiskjugjafa, í eldgamladaga). Held að ef maður er ekki viljandi að reyna að óhreinka humlana sé þetta seif.

[hrafnkell]

Tek undir með Eyvindi.

(Bara svona ef þú skyldir ekki trúa honum )

[Eyvindur]

Fólk ætti náttúrulega aldrei að taka mark á neinu sem ég segi fyrr en aðrir eru búnir að staðfesta það.

[drekatemjari]

Ég hafði einmitt líka miklar áhyggjur af þessu þegar ég var að byrja að brugga og sauð humlana til að gerilsneiða þá eða gerði humlaTe og blandaði út í við átöppun.
Eftir að hafa lesið á fjölmörgum stöðum að það væri í lagi að hella þeim beint út í prufaði ég það og hef gert það síðan.
Þannig gera flestir það í bruggheiminum.

[hrafnkell]

Ef maður sýður humlana, jafnvel í bara ör stutta stund þá getur maður alveg eins sleppt því að þurrhumla með þeim.
Humlate kannski, en í vatni undir 70°C og þá er maður ekkert að gerilsneyða hvort sem er.
Gott að þú ert hættur þessari vitleysu

Beint í með humlana og eyða tímanum í að hugsa um eitthvað annað