Jæja ekkert hefur komið inn í Dóma dálkinn síðan í Mars.. þannig að ég ákvað að slá til svona inn á milli þess sem ég þríf flöskurnar fyrir átöppun hjá mér...
Ég hef gaman af því að fara í mjólkurbúðina og versla eitthvað nýtt og prófa.
Núna síðast sá ég uppá hillu "100% hreinn jarðaberjabjór" frá Steðja.. veit ekki hversu lengi þessi hefur verið til sölu en þetta er í fyrsta sinn sem ég tek eftir honum hérna fyrir norðan allavega.
Ég hugsaði mig 4 sinnum um áður en ég ákvað að prófa hann. en það sem fékk mig á þá skoðun voru tvær útlenskar stelpur sem komu og keyptu sér 4 kippur af honum og voru að tala um að þetta væri bara besti bjór sem þær hefðu nokkurntíma smakkað!!
Verslaði mér 1 flösku og fór með heim og var frúin nú heldur kát að sjá þessa nýjung..
Við helltum þessu á glös og smökkuðum.. hef eitt að segja.. vonbrigði...
Maður bjóst nú við allavega cyder fíling eða eitthvað í þá áttina en nei.. mér þótti þetta bragðast eins og frekar flatur, daufur bergtoppur með rauðum matarlit og væntanlega áfengi sem átti að vera 4,2%
Lyktaði örlítið eins og jarðaber en varla þó og ég gat með erfiðu móti fundið jarðaberjabragð.. hvað þá einhverskonar bjórbragð..
Mér þykir því skrítið að þetta skuli kallast bjór á flöskuni..
Konan var nokkuð sammála mér en þótti hann þó betri en mér.. og þetta er í fyrsta sinn í sögu okkar sambands þar sem ég helli afgangi úr mínu glasi yfir í hennar og leyfi henni að draga mig í land. sem hún og gerði.
Hvað segið þið? Hefur einhver annar lagt í þetta ævintýri?