Sælir gerlar og gerlur
Nú er kominn tími til þess að uppfæra gömlu Rafha þvottavélina mína (sem er gamla bruggþvottavélin hans Eyvinds).
Ástæðan fyrir því að uppfæra pottinn núna er vegna þess að hann gaf mér smá raflost í síðasta brugg-session'i. Mér fannst það nú svolítið skrítið, vegna þess að hann hafði staðið sig ágætlega í um það bil 10 skipti, þar af 5 eftir að hafa verið beintengdur í gegnum PID-stýringu. Þá kom í ljós að ný kló sem sett hafði verið á pottinn (þ.e. úr PID-kassanum) var ekki með jarðtengingu. Eftir að hafa kippt því í liðinn var það eina sem þvottavélin vildi gera var að slá út rafmagninu í íbúðinni minni. Þá var það eina í stöðunni að einfaldlega taka þvottavélina í sundur og rannsaka nánar.
Hérna sjáið þið pottinn í sakleysi sínu eins og hann leit út áður en hann var tekinn í sundur. PID-kassinn sést þarna á stólnum.
- Bruggdagur 2. júní b.jpg (107.36 KiB) Viewed 55820 times
Hérna sést pabbi dunda sér við að taka hann í sundur. Þetta er eftir að vélinni var steypt á hvolf og toppurinn (núna botninn) skrúfaður laus og allur ytri kassinn einfaldlega hífður upp og burt.
- Pabbi vill taka pottinn í sundur.jpg (126.19 KiB) Viewed 55820 times
Hérna sjáið þið svo elementið. Elementið er einfaldlega mjög langur vír sem fer í gegnum fjölmarga litla keramik kubba, nokkuð töff! Þið sjáið á þessari mynd gatið þar sem kraninn tengist botninum á pottinum. Þarna hafði lekið virtur í gegn og komist í elementið og var búinn að brenna í sundur að minnsta kosti einn keramík kubb auk þess að leiða rafmagn í pottinn sjálfan og í kranann.
- Elementið lá svona undir botninum.jpg (155.57 KiB) Viewed 55820 times
Til þess að einangra keramík kubanna (elementið) var gömul asbest plata. Henni hefur verið skipt út fyrir eitthvað nýtískulegra efni (veit ekkert hvað það er, nema hversu dýrt það var). Potturinn hefur verið þrifinn vel og búið að kaupa nýjar pakkningar fyrir kranann. Planið er að nýta tækifærið með pottinn lausann og láta gata hann til þess að koma fyrir nýju Camco elementi 3500W. Innbyggða elementið er 3000W, sem hentar ágætlega í 20 lítra lagnir. Það virðist hins vegar ekki höndla 40 lítra lagnir. Með auka elementi væri það möguleiki, auk þess að stytta biðtíma þegar hitað er meskivatn eða úr meskingu upp í suðu.
- Potturinn þrifinn.jpg (98.33 KiB) Viewed 55820 times
Vonandi verður framhald á þessari uppfærslu fljótlega, en þvottavélin er öll í pörtum eins og er. Næsta skref að fá gat á pottinn fyrir nýja elementið. Þar á eftir þarf ég að hugsa út í það hvernig ég hef þetta allt saman tengt. Planið hjá mér virðist vera það að tengja nýja elementið í PID stýringuna sem ég hef núna og aftengja þá gamla innbyggða elementið þaðan. Gamla elementið gæti þá verið einungis beintengt, og þá notað aðeins til aðstoðar við að hita vatn upp og í suðu í stærri lögnum. Hver veit... Öllum athugasemdum og ráðum er vel tekið
