Á fundinum sl. mánudag kynntum við dagskrána fram að áramótum. Það er margt um að vera, það helsta er eftirfarandi:
- Ferð fyrir félagsmenn í Eimverk, sem framleiðir Flóka viskí og Von gin, laugardaginn 14. júní. Skráning er hafin hér á spjallvefnum.
- Kútapartý á Menningarnótt. Þeir sem hafa áhuga á að leggja til kút skulu fara að huga að bruggun. Við auglýsum þetta nánar er nær dregur.
- Vísindaferð í Haugen Gruppen fyrir félagsmenn Fágunar eingöngu, líklega á föstudagskvöldi í september
http://www.haugen-gruppen.is/bj_r.aspx" onclick="window.open(this.href);return false;
- Heimsókn í brugghús á sunnanverðu landinu í september eða október. Þá er í athugun að fara í heimsókn í brugghús á norðanverðu landinu líka.
- Mánudagsfundur hjá Rúnar í Keflavík þann 6. október. Það er alltaf gaman að fara heimsókn til hans og vonandi verður eitthvað eftir af October Marzen bjórnum hans
- Gorhátið í nóvember. Stefnt er að einhverri skemmtilegri bruggkeppni í tengslum við hana. Nánar auglýst síðar.
- Bókarpöntun Fágunar. Við stefnum á hóppöntun á bruggbókum nú í sumar og aftur í haust ef vel tekst til. Bækur verða seldar félagsmönnum á kostnaðarverði því sem næst.
- Mánudagsfundir þann fyrsta mánudag í hverjum mánuði. Opnir öllum.
Af þessu má sjá að margt er að gerast og hvetjum við alla til að endurnýja félagsskírteinið eða gerast nýjir félagar sem fyrst. Það kostar aðeins 2500 krónur fyrir allt sem að framan var talið. Að auki er hægt að fá Fágunarbol fyrir 1500 fyrir þá sem gerast félagar fyrir 5. júlí.
Bestu kveðjur,
Sigurður Pétur
Formaður Fágunar