Partí með heimalöguðu áfengi

[Plammi]

Sælir
Frúin var þrítug og að því tilefni var slegið upp partíi. Við vorum með 30-40 gesti og stemming var góð.
En mig langaði að miðla hérna hvernig gestir voru að fíla það sem boðið var uppá, bæði fyrir mig til minnis og vonandi einhverjum til fróðleiks.

Þetta var í boði:
20 lítra kútur af Brúkaupsöli Úlfars (með smá humlebreytingu)
1 1/2 kassi af Eplacider
Sirka kippa af Bitter
6 lítrar af Hvítvíni frá Vínkjallaranum
Slatti af bollu með einhverju sulli (rúmlega 1 líter af sterku áfengi, 2 lítrar eplavín og sprite)
Gallon af heimablönduðu Baileys (kann ekki uppskrift því þetta var ekki frá mér)

Bjórinn vakti mikla lukku, eftir að ég náði að laga smá froðuvandamál í byrjun. Það eru alltaf einhverjir sem halda því fram að allur bjór á að vera lager, en mér fannst jafnvel vandlátustu lagerlepjararnir vera komnir með bjórinn minn í hönd og virtist hann renna ljúft niður. Ég var með lítil plastglös fyrir bjórinn (sirka 200ml) og virtist það reynast vel. Man ekki eftir að hafa séð hálffullt glas skilið eftir neinstaðar.
Eplaciderinn kláraðstist ekki, fólk var almennt ekki að fíla hann. Talaði það oftast um að þurfi að vera sætari og með meira eplabragði. Sjálfur er ég farinn að taka hann í sátt, en það er ekki mikið að marka mig því mér finnst almennt eplasafi og eplacider vont. Ciderinn finnst mér alls ekki vera þurr, en það er ekki mikið eplabragð af honum. Ágætis body og góður keymur af grænum eplum í nefi.
Bitterinn hvarf það fjótt að ég náði ekki einu sinni að spurja fólkið álits.
Fólk var almennt ekki að líta við hvítvíninu, enda er ég alveg hættur að nenna að brugga þessi kit vín.
Bollur eru alltaf vinsælar og þessi var engin undartekning, enda sást það á sumum...
Baileys sullið var gríðalega vinsælt. Sjálfur er ég ekki fyrir þetta og því alls ekki dómbær á það.

Þetta var ansi gott partí og þó fólk sé almennt frekar þunnt í dag þá urðu engin alvarleg meiðsl á mönnun né dýrum.

[bergrisi]

Takk fyrir þetta.
Get tekið undir með léttvínskittin. Maður fær ekki að leika sér neytt eins og með magn humla ofl. Maður setur ekkert eigið "touch" á þetta.

Gaman að heyra að þetta var gott partí.

[Sindri]

Hvítvínskittið sem ég gerði úr ámuni lukkaðist vel... keypti reyndar ekki ódýra kittið.. kostaði um 18þús kr

[Plammi]

Hvítvínskittið sem ég gerði úr ámuni lukkaðist vel... keypti reyndar ekki ódýra kittið.. kostaði um 18þús kr

Já, ég var með Reisling vín úr Moments kittunum, hugsa að maður fari bara alla leið með þetta ef maður prófar aftur.
Langar alveg að prufa rauðvín, gera það úr góðu kitti. Það fengi alveg að vera í friði í nokkur ár á flöskum á meðan það væri að þroskast.

[Beatsuka]

Hef heyrt það frá gömlum bruggurum hérna fyrir norðan að þeir hættu allir að nenna að brugga hvítvínið þar sem það bara var aldrei nógu gott. enduðu allir í rauðvíninu og þótti það betra.

Eflaust hefur eitthvað breyst síðan þá en skv. því sem ég skil frá þeim þá er þetta basically það sama.

Væri til í að reyna að brugga hvítt eða rautt frá grunni.. kanski mikil óskhyggja að ná því enda hef ég ekkert skoðað hvernig það yrði gert.. er nú bara rétt byrjaður í bjórnum..

En Plammi - þakka þér fyrir þetta. er einmitt að stefna á að halda influtningspartý hérna á næstuni og sá ég fyrir mér að bjóða uppá heimabruggaðann bjór allavega. ættla að skoða það nánar og æfa mig kanski aðeins betur enda bara búinn að ná einni lögn. en það er ánægjulegt að sjá að þetta hepnaðist vel hjá þér!

[Feðgar]

Það má til gamans geta að í einu ákveðnu partýi núna í sumar þá var boðið upp á:
50 lítra af 6.6% Pale Ale ala okkar
7 kassa af Stellu
Nóg af hvítu og rauðu

Pale Ale kláraðist með öllu og það voru bara drukknar 19 flöskur af Stellu.
Samt var þetta allt fólk sem vanalega drekkur bara lager líkt og Stellu.

Sönnun þess að það má vel gera vel við vini með heimalöguðu.