Í dag var lagaður Doppelbock (Interrogator) og Bóhemískur Pilsner (Þórður). Annar á kafi í malti, og hinn vel humlaður. Þá var líka flaskað Helles Bocknum sem var bruggaður sem starter fyrir Doppelbockinn, enda reiknaðist Hrafnkeli til að það þyrfti eina 20l af starter svo þetta færi allt vel í gang.
Siggi Idle lánaði mér meskiker, svo ég ætti einhvern séns í doppelbockinn. 35 lítrar og það var barmafullt. Stefndi ég á 92 í OG en kláraði í 112, sem er í efstu mörk fyrir stílinn. Náði meira af djús úr honum en ég þorði að vona, en það endaði í 18 lítrum eftir suðu, og allt gromsið sigtað úr. Stefnir allt í rosalegan bjór, svo lengi sem gerið nær eitthvað að bíta á honum.
Pilsnerinn er að sjóða akkúrat núna, og væri deginum líklegast lokið ef aðstoðarbruggarinn hefði ekki forfallast á síðustu stundu. Sjáum hvað setur með gravití og þessháttar þegar hann er kominn í fötuna.