Uppfærður suðupottur.

[hallhalf]

Við bruggfélagarnir komumst fljótt að því (eftir bruggun nr. 3) að uppfæra þyrfti suðupottinn okkar, en það er 30 lítra álpottur úr Europris. Alla vegna kláraðist afurðin fljótt þannig að augljóst var að annaðhvort þyrfti stærri pott og stærri lögun, eða einfaldlega drekka minna. Við vorum svo ánægðir með fyrstu lögunina (Bee cave) að seinni kosturinn kom ekki til greina. Félaginn átti rústrfía plötu sem átti að verða að hráolíutanki, en þjónar í dag mun göfugra hutverki. Við komumst inn á vélaverkstæði í nágrenninu og völsuðum plötuna eftir vísindalegum útreikningum. Potturinn var soðin saman með TIG suðuvél, en haldföngin voru soðin með pinnasuðuvél, maður vill ekki að þau gefi sig þegar pottinum er lyft fullum af virti. Reiknað rúmmál nýja pottsins er 90 lítrar, en planið var að tvöfalda næstu lögun. Til að auðvelda tæmingu settum við 1" krana neðst á pottinn, auk suðumúffu, en inn í hana skrúfast hitamælir. Við notum gasbrennara við suðuna. Við bíðum spenntir eftir hráefni í næstu lögun. Við notum BIAB aðferðina við bruggunina og það hefur gengið mjög vel.

Halldór, Molastöðum

[hrafnkell]

Eina vitið að fara í stærri lagnir Ég var einmitt að gera 40 lítra af IPA í gær, í 72 lítra stálpotti.

Þetta svínlúkkar. Eruði búnir að prófa græjurnar?

[humlarinn]

Djöfull langar manni í stóran pott núna og ég er bara nýbúinn að kaupa fyrstu græjurnar og ekki einu sinni búinn að setja í fyrstu blöndu en það gerist vonandi í næstu viku

[bergrisi]

Þetta er flott.

Gaman að sjá menn með metnað.

[hallhalf]

Við ætlum að prufa græjuna í næstu viku, en við eigum eftir að panta okkur hráefni að sunnan.