Fágun

Jæja. Ég er búinn að vera að dunda mér við að bæta á flöskulagerinn síðustu tvo daga eða svo.
Nú tel ég mig vera kominn með nokkuð fljótlega aðferð við að ná þeim hreinum og miðalausum.

1. Hiti. Ég raða upp nokkrum flöskum, nota hitablásara, græju sem svipar til hárþurrku, en fer upp í nokkurhundruð gráður, og hita miðanna. Þá er lítið mál að skafa þá af í einu handtaki með ósköpvanalegri glersköfu.
2. Olía. Pensla límskánirnar með matarolíu og legg þær til hliðar til næsta dags.
3. Klór. Ég raða flöskunum í plastkassa, sáldra yfir þær klórsóda, nokkrum dropum af uppþvottasápu og fylli upp með heitu vatni. Læt þar vanalega liggja yfir nótt.
4. Skrúbba. Flöskubursti ofaní, miraclean svampur utaná.
5. Skola. Ég skola vanalega svona þrisvar með eins heitu vatni og kraninn leyfir til að vera öruggur um að ná öllum klórnum af, svo raðað á tré og dáðst að tandurhreinum flöskulagernum.

Þetta virkar eins og heljarinnar prósess, en vinnan við hverja flösku er ekki nema nokkur handtök við hvert stig. Ég tók hátt í tvöhundruð flöskur á síðustu dögum, en var ósköp slakur við það. Flöskurnar koma koma út allveg spotless og smámunaseminni er fullnægt.

Nennirðu að þrífa svona 50-100 fyrir mig?

Ég neeeeeeeeeeeennnniiii ekki að þrífa miða af flöskum... Fæ niðurgang við tilhugsunina.

Ég ætla að prófa þetta með olíuna, finnst voðalega erfitt að ná líminu af þessu drasli, sérstaklega Borg flöskunum. Getur ekki einhver fengið Stulla og Valla til að fara að nota vatnsleysanlegt lím?!

Það vita þetta kannski allir, en ég las þetta á erlendu forumi, en þá seta þeir flöskuskrúbbarann í borvél og ná að þrífa flöskurnar margfallt betur og fljótara en með handafli, að þeirra sögn, en ég tek það fram að ég hef ekki prófað þetta, en ætla prufa þetta þegar ég þríf mínar flöskur