Hitastafur

[viddi]

Sæl öll
Við erum með 75L þvottapott með innbyggðu hitaldi sem nær upp suðu í tvöfaldri lögn en ósköp aumingjalegri suðu þó. Hef verið að spá í hitastaf til að hjálpa til frekar en að bæta við hitaldi. Sá að menn voru að velta þessum hitastöfum fyrir sér fyrir nokkru en getur einhver deilt reynslusögum? Einhver sem hefur smíðað staf og getur ráðlagt?

[kalli]

Ég nota þessi 5,5kW hitöld sem ég held að Hrafnkell sé með á lager. Þau eru snilld. Þægileg í ísetningu. Ef á þarf að halda get ég reddað þér ró, skinnu og O-hring sem passar. Hitöldin eru stafir með miklu yfirborðsflatarmáli, low density og brennur því síður við á þeim.

[viddi]

Það er einmitt punkturinn. Ætla helst að sleppa við ísetningu. Bara nota hitastaf (heat stick). Enginn sem hefur notað slíkan?

[hrafnkell]

Ekkert mál að nota 5.5kw elementin í hitastaf, en þau eru etv full stór nema maður geti stýrt þeim. Það ætti þó að vera auðvelt að koma þeim fyrir í hitastaf, t.d. bara vera með 1" múffu og skrúfa elementið í hana, með góðri pakkningu/ohring, t.d. úr silikoni eða teflon.

Svo eru auðvitað til minni element, en ég á ekkert svoleiðis eins og er. Hugsa að ég reyni að redda mér 4kw elementi í næstu sendingu sem ég tek frá úgglöndum.

[sigurdur]

Vinsamlegast hafið í huga lengdina á hitaldinu.

Ef allt hitaldið er ekki ofan í virtinum á meðan það er straumur á því, þá getur verið að það brenni yfir (a.m.k. hefði ég áhyggjur af því).

Það má vera hagstæðara að nota styttri hitöld ef það er ekki hægt að ábyrgjast það að allt hitaldið verði ofan í vökva á meðan suðu stendur.

[Hekk]

Vildi bara athuga hvort farið var út í að smíða svona staf?

Ég hef einmitt verið að hugsa um að búa svona til.

[viddi]

Við enduðum á að bæta hitaldi í pottinn okkar.