Kaldfelling og sykurmagn

[viddi]

Er að láta Blonde Ale kaldfalla við 0,5° í þessum skrifuðum orðum og stefni að því að tappa á morgun eða hinn. Lenti í smá ógöngum með síðasta bjór sem ég kaldfelldi því hann er undirkolsýrður sem ég rek til þess að hafa sett of lítinn sykur í lögunina fyrir átöppun. Beersmith tilgreinir magn sykurs eftir hitastigi. Ef ég tappa þennan við 18° þá tilgreinir Beersmith 267 gr sykurs fyrir 2,5 kolsýrustig. Ef bjórinn er hins vegar 1 gráða eru 143 gr tilgreind (ath tvöföld lögun). Átöppunin tekur auðvitað alltaf einhvern tíma þannig að bjórinn hitnar - sjálfsagt hægt að skjóta á 6-7° en hafið þið verið að leyfa bjórnum að hitna að stofuhitastig eftir kaldfellingu áður en tappað er? Eða tappið þið köldum bjórnum og takið tillit til þess hve mikið hann hitnar við átöppun?

Kannski er ég bara að flækja málin?

[valurkris]

hitastigið í beersmith á það ekki við um hitastigið sem að bjórinn gerjast við, s.s ef að þú gerjar við 20 gráður og lætur bjórinn svo kaldfalla þá lætur samt 20 gráður inn í reiknivélina. Endilega leiðréttið mig ef að þetta er rangt.

[asgeir]

Beersmith reiknar sykurmagnið út frá hitastiginu sem þú ætlar að láta bjórinn kolsýrast við, það tekur að sjálfsögðu einhverja daga. Þetta hitastig er hjá flestum sama og gerjunarhitastigið. Þetta á því ekki við hitastigið á bjórnum á því augnabliki þegar hann fer ofan í flöskuna...

[Classic]

Ég hef alltaf skilið þetta svo að miða eigi við hæsta hitastig sem bjórinn fór í meðan hann var í fötunni, enda kolsýrumagnið í honum eftir því (leysni lofttegunda minnkar við hækkandi hitastig, öfugt við föst efni), kolsýran kemur náttúrulega ekkert aftur þótt hann sé lageraður við hitastig þar sem vökvinn gæti tekið við meiri kolsýru nema einhver gerjun sé í gangi..