Fágun

Ég er með lager í gerjun og langaði að bera undir ykkur gerjunarferlið svo ég sé ekki að fara í einhverja vitleysu

Bjórinn er búinn að vera í gerjun við 10°C í tvær vikur svo nú er ég að spá í að hækka hitann upp í 20°C í 2daga til að taka diacytil rest (bara til öryggis þótt ég hafi pitchað eftir að virturinn hafi náð 10°C)
Síðan stefni ég á að lækka hitann niður í ca. 2-3°C en er ekki viss hvort ég ætti að trappa hitanum rólega niður úr 20°C í 2°C á löngum tíma eða hvort ég ætti bara að krassa hitanum niður á nokkrum klst. Hvað eruð þið vanir að gera hér?
Stefni síðan á að lagera í primary gerjunarfötunni í 2-4 vikur. Ætti það ekki að vera nóg? OG var um 1.051

Það fer eftir hversu langt gerjunin er komin hvenær maður fer í diacetyl rest.
Mig minnir að reglan sé að maður fer með gerjunina í diacetyl rest þegar þú ert búinn með 70% af gerjuninni.
Svo myndi ég leyfa hitastiginu að lækka yfir nokkra daga í ~ 4°C.

Oki það er allavega mjög lítil gerjun í gangi núna, tek mælingu og tékka hvort þetta sé ekki orðið nálægt FG og hækka þá hitann uppí 20°C (ætti ég líka að leyfa hitanum að hækka rólega á nokkrum dögum ur 10°C í 20°C ?)
Síðan var ég að pæla hvort það sé hætta á því að vatn sogist í gegnum blowoff slönguna ofan í gerjunarfötuna þegar hitinn er síðan lækkaður úr 20°C í lager hitastigið?

Jæja nú er ég búinn að vera að lagera þetta í yfir 3 vikur við 3°C.
Hvað eruð þið persónulega vanir að lagera lengi?
Er eitthvað sem getur sagt manni hvort maður sé búinn að lagera nógi lengi?

Við smökkuðum bjórinn áður en við gerðum diacytil rest og hann smakkaðist bara frekar vel

Örvar wrote:..hann smakkaðist bara frekar vel

Er það ekki ágætis vísbending um að hann sé tilbúinn til að fara á flöskur?

lageraðiru hann á kökunni, eða fleyttirðu í secondary?

ef þetta er allt hreint og fínt, hefði ég áhuga á að fá gerköku hjá þér. hvaða ger notaðiru annars.

ég tek reyndar lagerana mína, eftir 2-3 vikur í gerjun við 10 gráður, beint á kút og í 4 gráður þar sem hann lagerast þangað til að ég brotna og drekk hann. 2-3 vikur er nóg, þá er hann líka orðinn kolsýrður og fínn, en hann batnar fram að 5. viku

Ég lageraði á gerkökunni.
Þetta er S23 gerkaka, reyndar full af trub-i (ég skellti öllu úr suðupottinum í gerjunarfötuna), en ef þú vilt þá get ég hirt gerið fyrir þig

Held að þessi fái að fara á flöskur bráðlega.
Þegar þið reiknið út hversu mikinn priming sykur þarf, hvaða hitastig veljið þið í reiknivélinni?
ég nota yfirleitt þessa reiknivél: http://kotmf.com/tools/prime.php
Ætti ég að setja inn 10°C sem var hitastig við primary gerjun? eða 3°C sem er lager hitastigið? eða jafnvel 20°C?

Þú setur hæsta hitastig sem bjórinn er búinn að geymast við eftir að gerjun lauk.

Oki takk. Ég set þá inn 20°C sem var hitinn við diacytil rest