Coopers Stout kit.

[Absinthe]

Ég var að spá í að gera eina lögn af Cooper´s Stout.
Ég nenni ekki að leggja miklar pælingar í þetta. Sýð drulluna með sykri og ætla að fylla upp í með vatni, upp að 23L. markinu. Ég er ekki með sykurflotvog en mig langar að hafa hann nokkuð sterkan + 7%. Þeir gefa upp að ef að ég nota dolluna án sykur verður þetta um 2.5%. Ef ég bita dolluna + 1 kíló af borðsykri ætti þetta að verða um 4.7%. Getur einhver leiðbent mér hvað ég þarf að bæta um það bil miklu umfram kílóið til að ná 7%?

[kristfin]

þetta er nokkuð línulegt, þannig að ef dollan gefur 2.5% í 23 lítra og dolla + kg gefur 4.7% þá ætti dolla og 2 kíló að slefa í 7. en afhverju að stoppa þar. 3 kíló gefa þér svona 9%

önnur leið væri að nota 2 dollur og engan sykur, þá endarðu með svona 5% bjór, sem er bragðgóður, eða 2 dollur og kíló af sykri sem endar í svona 7% og gæti orðið drekkanlegur líka.

[Absinthe]

Takk kærlega fyrir þetta. Mér fannst það virka of einfeldningslegt að margfalda þetta lauslega - ég hélt að drullann myndi bjaga þetta hressilega eins og hunang og þess háttar. Ég ætla að bíða með að hafa þetta 9% í bili. Ef þessi heppnast vel þá læt ég samt vaða.

[gunnarolis]

Ég væri til í að fá að smakka coopers stout sem er búið að sykra upp í 9%. Það er eflaust verulega áhugaverður drykkur.

[sigurdur]

Hehe, ég giska á cid-o-rama

[Absinthe]

Það er gott trix við vonda bjórsmökkun að byrja á því að skella í sig einu skoti af stroh 80. Eftir það væri cooper´s 9% eins og fínasta malt

[sigurdur]

Annað gott trikk er að sleppa því yfir höfuð og miða á góða bjórsmökkun

[Absinthe]

Það er einn möguleikinn. Ég er bara búinn að vera að dunda svo lengi í þessu sterka, að maður fer í bjórinn með smá tuddaskap. Fagurfræðin kostar tíma og peninga. Það kemur seinna. Annars lagði ég í eplasíder í byrjun janúar sem að ég ætla að leyfa að eldast til jóla. Þá ætti ekki að þurfa neitt stroh