Viðar

[viddi]

Sæl öll

Ég heiti Viðar Hrafn og hef verið að fikta við bruggun síðan sl. vor með misjöfnum árangri. Þegar þetta er skrifað er ein Coopers lögn að baki (frekar vont), ein all grain pale ale lögn (töluvert skárri), ein all grain lagerlögn úr kitti (spennandi) og all grain hafrastout í gerjun (mjög lofandi).

Við erum tveir félagar sem erum að mestu saman í þessu og erum mjög spenntir fyrir BIAB bruggun. Við festum kaup á forláta rafmagns þvottapotti í dag (sjá mynd) sem tekur um 70-75 lítra. Það verður gaman að sjá hvernig hann kemur út. Hitastillir á honum svo það ætti að vera auðvelt að halda jöfnu meskihitastigi.

Er alltaf að læra og finnst það stór hluti af þessu. Svo er þetta spjall hér endalaus uppspretta upplýsinga og bráðskemmtilegt í þokkabót. Höfum auk þess fengið að hitta nokkra héðan, bæði á fundi og í bílskúr, afsakið, brugghúsi, og fengið ómetanleg ráð.

[valurkris]

Velkominn, og Glæsilegur pottur hjá ykkur.

Veistu eithvað um wattatölu á pottinum

[sigurdur]

Velkominn í hópinn.

[kristfin]

flottur pottur, viddi. velkominn í hópinn

[viddi]

Nei er algerlega heftur í rafmagnsmálum - það eina sem ég kann er að stinga í samband. Það stendur neðan á honum: KW 3

[anton]

Já, ekki óeðlilegt að hann sé gerður fyrir 16A, en tekur líklega 13A*230V=3000W = 3 KW

Ég myndi double-triple checka termostadið, spurning hvar hitaneminn kemur inn í söguna. Mæla hitstigið og sjá hversu mikið hann leyfir vatninu að rokka. Ekki óeðlilegt í svona að þú stillir kannski á 70°C að hann leyfir því að kólna niður um kannski 2° áður en han hleypir aftur.

En potturinn er flottur! Spennandi að sjá hversu lengi er verið að dúndra upp suðu!

[hrafnkell]

Velkominn

Ég myndi byrja á frekar lítilli lögn - 20-30 lítra því það er ekki víst að 3kw séu nóg til að halda góðri suðu á mikið meira vatnsmagni en það.

[kalli]

Þetta er mjög hengugur pottur. Hvar nælir maður sér í svona?

[viddi]

Við vorum bara heppnir. Félagi minn auglýsti eftir stórum potti en hann vinnur á fjölmennum vinnustað. Þar var einn sem átti þennan og var til í að selja fyrir ákaflega sanngjarnan prís.

[halldor]

Velkominn

Ég myndi byrja á frekar lítilli lögn - 20-30 lítra því það er ekki víst að 3kw séu nóg til að halda góðri suðu á mikið meira vatnsmagni en það.

Ertu viss um þetta?
Þessir pottar eru hannaðir til að sjóða magnið af vatni sem þeir taka.
Við strákarnir erum með 110 lítra eldgamlan þvottasuðupott og hann er ekki mikið meira en 3000-4000W. Við höfum hingað til náð að gera 60 lítra laganir í honum með fínum árangri.

[Bjarki]

Velkominn Viðar Hrafn, þetta er snilldar pottur. Hvernig virkar hann ?

[viddi]

Sæll Bjarki og takk.

Við erum ekkert farnir að prófa að brugga í honum en hann virkar þannig að það er rofi frá 0-10 sem stýrir hitaldi (er það ekki íslenska orðið yfir element?) sem liggur í botninum. Yfir hitaldinu er smá grind sem auðvelt er að skrúfa úr. Held örugglega að það sé enginn hitanemi í pottinum svo rofinn stýrir sjálfsagt bara hve mikið rafmagn fer inn á hitaldið.
Við veltum fyrir okkur að setja hitanema og stýringu í pottinn sem gæti haldið við hitanum meðan á meskingu stendur en einhverjir hafa ráðlagt okkur frá því vegna þess að hitaldið ku vera lengi að kólna svo það mætti búast við ofhitnun á vatninu (sel það ekki dýrara.)
Fysta verk verður að einangra pottinn og vonandi komumst við í BIAB lögn um helgina. Ætla að reyna að sjá þá hve mikill hiti tapast fyrir það.
Úr botninum liggur svo slanga sem er hengd upp meðfram pottinum og þegar henni er hallað niður lekur úr. Spurningin er hvort við þurfum ekki að byggja eitthvað aðeins undir hann til að fá hæðarmun yfir í gerjunarfötu en samt ekki um of svo ekki verði óþægilegt að vinna ofan í hann.

En kannski varstu bara að spyrja hvort hann virkaði vel og ég að útskýra hið augljósa