Kæling fyrir lagergerð

[bjarkith]

Var að pæla hvort það væri eithvað óvitlaust að nota eithvað í líkingu við submergion kæli til að viðhalda lágu hitastigi á virti/bjór við gerjun á lager/pilsner? Lítið pláss sem ég hef og er ekki viss hvort það væri nægt rými fyir fötu til að seta gerjunarfötuna í en ég gæti vel riggað submergion kæli sem væri fastur í lokinu helst að pæla hvort svo löng viðvera kopars í bjórnum gæti haft vond áhrif á bjórinn. Einhver sem getur gefið sitt álit á þessari hugmynd?

Kv. Bjarki

[kristfin]

það er tómt vesen að sótthreinsa og þrífa svoleiðis. en ef það er frá, ætti alveg að vera hægt að gera það.

ég geri lagerana mína ennþá í glercarboy, sem ég er með ofaní 30 lítra plastfötu sem ég læt leka vatn ofaní. þannig viðheld ég 10-12 gráðu hita sem er fínn í þetta. einfalt og gott, en útheimtir öruggt ræsi

[Braumeister]

Eg hef lika sed ad einhverjir eru ad nota gegnumstreymiskaela fyrir til daemis fiskabur eda bjor til ad kaela vatnid i ytri fötunum. Thannig thyrfti madur ekki öruggt raesi.

Eg hef hinsvegar notad fiskaburshitara i ytri fötu til ad halda gerjuninni i 26° fyrir 10% belgiskan sem eg gerdi. Eg var hinsvegar allt of gradur og setti of mikid af virti i gerjunarfötuna. Sem betur fer hafdi eg vit a tvi ad smella lokinu ekki föstu tvi lokid sveif yfirleitt svona 2 cm a froduskyinu og hellingur af Kräusen for i ytri fötuna.

Vatnid i ytri fötuni vard svo fult ad eg hefdi eiginlega att ad hringja i einhvern fra Guinness (heimsmetabokinni, ekki brugghusinu).

kv.

[bjarkith]

Ég er alveg til í að leggja á mig aukavinnu við sótthreinsun ef þetta er mögulegt, ég er aðalega að pæla í því hvort svo löng viðvera kopars í bjórnum geti haf skemmandi áhrif á hann.

[sigurdur]

Ég er alveg til í að leggja á mig aukavinnu við sótthreinsun ef þetta er mögulegt, ég er aðalega að pæla í því hvort svo löng viðvera kopars í bjórnum geti haf skemmandi áhrif á hann.

Ef ég man rétt, þá já. Ekki láta kopar liggja í gerjandi bjór.

Ég er því miður ekki með góða grein við hendina um þetta, en ég gerði rannsókn á sínum tíma þegar ég var að hugsa um að mæla hitastig gerjunar og það sem ég man var að koparinn er hættulegur gerlinum.

Ég mæli með að þú leitir nánari upplýsinga á netinu um þetta.

[halldor]

Ég er alveg til í að leggja á mig aukavinnu við sótthreinsun ef þetta er mögulegt, ég er aðalega að pæla í því hvort svo löng viðvera kopars í bjórnum geti haf skemmandi áhrif á hann.

Þegar við strákarnir fórum í De Dolle brugghúsið í Belgíu í sumar fengum við frábæran túr um brugghúsið frá mömmu bruggaranna. Kellingin er 94 ára og þakkar möltuðu byggi og kopar langlífi sínu og sagðist hafa fengið sér allavega einn bjór á dag frá því að hún var 13 ára gömul. Þeir eru sem sagt með massíft kopar kæliskip í brugghúsinu sem hefur verið notað síðustu 100 árin eða svo. Sú gamla talaði mikið um það að brotabrot af koparnum verði eftir í bjórnum og það hafi ótrúlega góð áhrif á mann. Eeeen ég er væntanlega kominn út fyrir efnið
Ég veit ekkert um það hvort viðvera kopars í gerjun sé heppileg.

[Stebbi]

Ef að menn eru ekki vissir á koparnum er þá nokkuð annað en að nota ryðfrítt? Taka bara einni stærð sverara og þá aðeins styttra en maður myndi bruðla með í koparnum. Svo bara keyra eins mikið af ódýru köldu vatni í gegn og þarf.

[bjarkith]

Er ekki svaka vesen að beygja riðfrítt stál? Ég geri það ekkert í höndunum eins og ég myndi með koparinn?

[hrafnkell]

Fer auðvitað eftir veggjaþykkt. Ég séð einhverja gera þetta í höndunum. Þá var rörið lokað í annan endann, fyllt af sandi (til að það beyglist ekki heldur bogni). Það leit ekki út fyrir að vera auðvelt en var alveg geranlegt. Ég held að það hafi verið rör með ca 1cm í þvermál.

[Stebbi]

Er ekki svaka vesen að beygja riðfrítt stál? Ég geri það ekkert í höndunum eins og ég myndi með koparinn?

Það má líka láta fagmenn beygja þetta fyrir sig með beygjutöng. Það getur varla kostað mikið.

[anton]

eflaust til allskonar verkfæri til að beygja svona rör.

Svo er eflaust hægt að gera þetta öðruvísi, ef spurningin er ekki að vera fljótur að kæla úr 100° í 18° heldur að viðhalda einhverju hitastigi, þarf eflaust ekki eins mikinn vafning og kannski hægt að vera með SVER rör sem næðu niður í tunnuna í svona U begyju en ekki alveg niður á botninn samt (ger kakan). Þá ertu með ágæti yfirborðsflatamál (sver rör) auðveldara að þrífa (minna af rörum) og gætir kannski notað fittings til að mynda beygjuna ofan í botninum. En ég játa að ég kann ekki að reikna hvað þarf nákvæmlega til, en mögulega væri þetta ekki að gefa nægilega jafna kælingu, en þó, er vatn góður varmaleiði...

[bjarni]

Fær gerið ekki sjokk og drepst þegar það rekst utan í ískalt rörið?

[anton]

Hmmm.. röriið ætti ekki að vera mjög fjarri í hitastigi, þ.e. keyrt rólega kalt í gegn, þarf ekki svo mikla orku til að viðhalda hitastiginu, sérstaklega ekki ef að fatan er vafin í teppi eða eitthvað þannig. Það ætti ekki að drepast frekar en að drepast við að "rekast" utan í vegginna á gerjunarfötu sem væri inn í kæliskáp?

[kristfin]

sjáið þið ekki neitt kómískt í þessu.
þið viljið ekki láta vatnn leika utanum fötuna og kæla hana niður, sem er mjög einfalt og fólk gerir úti um allan heim. en í staðinn ætlið þið að láta vatn leika um rör innan í bjórnum (kopar er algert nónó í köldum bjór og mikið vesen að valsa upp ryðfrítt). síðan eruð þið að ýta hinum og þessum vandamálum á undan ykkur og leysa jafnóðum í þeirri vegferð að losna við vatn utanum. en lausnin er líka með rennandi vatni nema miklu flóknari

[anton]

Já og dýrari

Bara að kaupa sér frystikystu í elko og kælistýringu á hana

sá eina flotta á um hundraðþúsund, sem er 1.5mx0.8m og hægt að leggja sig þarna með bjórnum slef slef...

Auðveldlega hægt að setja margar fötur og kúta í hana

[kristfin]

efj þið eruð með sturtu heima, þá getið þið kælt bjór. allt spurning um forgangsröðun

[anton]

Þegar menn eru farnir að tala um að fara í ískalda sturtu með bjórnum og sofa með gerinu (smack pack) þá er ég að fíla þann mann, greinilega með forganginn á hreinu!

Eða eins og sá hinn sami sagði "Nú er bjórinn orðinn svo dýr að maður hefur ekki efni á að kaupa bleyjur"

[bjarkith]

Tjahh ég var nú bara með þessai pælingu því að ég hef rosalega lítið pláss undir bruggið, rétt nóg fyrir venjulega gerjunartunnu en ekki nóg fyrir enn stærri fötu utan um hana og svo framvegis.

[kristfin]

vefjið koparröri utan um fötuna. stýrið flæðinu í gegnum koparinn með segulloka, sem stýrt er af pid. í gerjunarfötunni væri 10mm ryðfrítt rör, gegnum lokið og ofaní miðjuna. hitamælrinn fyrir pid færi ofan í stálrörið. steinull eða motta utanum herlegheitin og smárýmisgerjunarhitastýringin er fædd.

10mm stálrör rennur í gegnum gúmmí "grommet" eins og maður setur vatnslásinn í, ekkert mál að hreinsa og hitinn ætti að vera eins nákvæmur og hægt er.

þannig geri ég þetta, nema ég er með fötu í fötu