Weyermann mölt

[hrafnkell]

Ég er að hugsa um að panta slatta af weyermann sekkjum, og mér datt í hug að panta slatta auka til þess að geta selt fólki hérna.

Hafið þið einhverjar skoðanir á því hvaða mölt ég ætti að eiga til að selja?

[hrafnkell]

Enginn sem hefði áhuga á að geta nálgast malt á höfuðborgarsvæðinu með litlum fyrirvara?

Ég er ekki að tala um að þið þyrftuð að panta hjá mér eða eitthvað - Bara að pæla hvað ég ætti að eiga á lager...

[Unnur]

Jú, ég svo sannarlega.

Pale Ale, Munich, Caramunich, Carafa - magn í þessari röð.

kv, Unnur

[Oli]

Vienna, CaraPils, Melanoidin osvfr.

[gunnarolis]

Ef þú ætlar að panta frá þeim beint, og frá afgreidda pallettu væri ekkert heimskulegt að fá:

Pale ale, pilsner, vienna, munich, hveiti og caramunich (3 týpur)...

[hrafnkell]

Hvernig myndi ykkur lítast á þetta úrval?
Premium Pilsner
Pale Ale
Vienna
Munich
Wheat
Caramunich I
Caramunich II
Caramunich III

Humlar:
EK Goldins
Fuggles
Hallertau Hersbrucker
Magnum
Celeia (Styrian Goldings)
Centennial
Cascade
Amarillo

[Oli]

Bættu við Saaz humlum þá er þetta fínt.

[eymus]

He endalaust hægt að bæta við möltum, en finnst vanta Carafa Special, Caraaroma og carapils. En hefurðu reiknað út hvað þú gætir verið að selja þetta á?

[Idle]

He endalaust hægt að bæta við möltum, en finnst vanta Carafa Special, Caraaroma og carapils. En hefurðu reiknað út hvað þú gætir verið að selja þetta á?

Það sem þegar hefur verið talið upp, er mjög góður grunnur. Tek þó undir að CaraAroma mætti gjarnan vera með, þó svo það sé nota í mjög litlum mæli. Þetta eru grunnmöltin, og þau sem maður notar mest af. Allt annað er í hundrað gramma vís, og því á hæfi flestra að panta pund og pund að utan, eða taka þátt í hóppöntunum Fágunar í gegnum Vínkjallarann, líkt og er nú á döfinni.

[hrafnkell]

Ég hendi kannski carapils með. Ef allt gengur upp þá gæti þetta verið komið 15-20 september...

[Andri]

Snilld Mun reyna að nýta mér þetta

[hrafnkell]

Er einhver með gömlu verðskránna hjá ölvisholti við hendina? Ég man ekki alveg hvernig verðin voru hjá þeim, en mig grunar að ég geti verið með töluvert ódýrara hráefni.

[anton]

8-12 þúsund / hver 25kg að mig minnir - þar sem grunnmöltin voru ódýrust.

[arnarb]

Mig minnir að verðin hafi verið á bilinu 8-9000 fyrir grunnmöltin.

[asgeir]

Mér líst vel á þetta hjá þér....
Ertu búin að fá einhverja endanlega dagsetningu á hvenær þetta er væntanlegt til landsins?

[hrafnkell]

Birginn getur ekki sent þetta fyrr en í þarnæstu viku, þannig að þetta ætti að koma til landsins 28 september.

[Jói á móti]

Ef einhver möguleiki er til staðar, væri ég til í einn pale ale maltpoka.

[hrafnkell]

Ég mun taka amk 10 pale ale sekki.

[hrafnkell]

Jæja, þá er þetta komið á hreint. Millifærslan farin af stað og vörurnar væntanlegar 28 eða 29 september.

Það sem verður á boðstólnum:

Malt
Premium Pilsner
Pale Ale
Vienna
Munich
Wheat
Caramunich I
Caramunich II
Caramunich III

Humlar
EK Goldins
Fuggles
Hallertau Hersbrucker
Magnum
Celeia (Styrian Goldings)
Centennial
Cascade
Amarillo
Saaz

Verð koma fljótlega, en ég geri ráð fyrir að maltið verði aðeins ódýrara en það var hjá Ölvisholti, sem og humlarnir.

[atlipall]

*ýtir á like hnappinn"

[gunnarolis]

Ég er hrikalega ánægður með þig, sumir hefðu bara hugsað þetta (meðal annars ég sjálfur).

En fyrst þetta er orðið að veruleika, værirðu þá til í að útskýra framkvæmdina.

Ætlarðu að afgreiða maltið bara í heilum sekkjum? Malað/Ómalað?
Verður þetta búð, eða verður þetta heima hjá þér í bílskúr?
Sömu spurningar um humlana, hvernig verða þeir afgreiddir?

[hrafnkell]

Ég hef líklega ekki hugsað þetta til enda, en svona er basic pælingin:

Ég verð með þetta í bílskúr hjá ömmu minni, þar sem ég er einnig með skrifstofu. Ég stefni á að hafa "opið" 1x í viku eftir vinnu í kannski 2klst og afgreiða vörur þá eða eftir samkomulagi. Einnig hef ég keypt lénið brew.is þar sem fólk getur flett upp lagerstöðu og verð hugsanlega með netverslun þar sem fólk getur pantað fyrirfram. Ég veit ekki hvort ég muni standa í heimsendingum, amk til að byrja með.

Kornið verður selt í 25, 10, 5, 1kg einingum. Ódýrast verður að kaupa heilan sekk, en álagningin eykst eitthvað eftir því sem magnið minnkar. Ég á barley crusher og mun líklega bjóða upp á mölun gegn einhverju gjaldi.

Varðandi humlana þá hef ég hugsað mér að fjárfesta í lofttæmingargræju og ég mun líklega afgreiða þá í 100gr, 500gr og 1kg einingum, sem verður afhent í lofttæmdum umbúðum. Álganginin verður með svipuðu móti og með kornið - kaupa meira borga minna

Planið er að hafa þetta sem einfaldast, hafa mjög lága álagningu (eins og ég gerði með kreppugler.is). Þetta er bara til prufu, en ef áhugi er fyrir hendi þá mun ég skoða að panta meira korn og auka vöruúrval.

Allar athugasemdir eru vel þegnar!

[kristfin]

þú stendur þig vel.

fyrst þú ert á annað borð að hafa opið, þá gætirðu bara leyft fólki að mala á staðnum eins og er í bruggbúðum úti í ameríku. minni vinna fyrir þig.

en þumlar upp. flott framtak. og ef verðið er gott þá pössum við uppá að þetta skemmist ekki hjá þér

[anton]

Þetta er alveg stór sniðugt.

[Oli]

Líst vel á þetta hjá þér Hrafnkell