Fágun

Hvað er löglegt að brugga sterkt áfengi heima hjá sér?

2,25%

Rétt hjá Classic. Læt þó fylgja vísun í áfengislögin til frekari glöggvunar.

Áfengislög (1998 nr. 75 15. júní)

I kafli. 2 gr. wrote:Samkvæmt lögum þessum telst áfengi hver sá neysluhæfur vökvi sem í er að rúmmáli meira en 2,25% af hreinum vínanda.

Ég var alltaf með þann miskilning í hausnum að það mætti brugga en ekki sjóða(eima). Þannig að mörkin lægju einhverstaðar undir 20% ABV hjá flestum. Ef að 2.25% eru mörkin þá er manni næst að spyrja hvernig í ósköpunum hefur Áman, Vínkjallarinn og þeir sem seldu hér áður víngerðarefni komist upp með það og hvaða einstaka umburðuarlindi er það hjá lögregluni að sleppa heimabruggurum en djöflast í þeim sem vilja fá sér í vörina eða nefið?

Stebbi wrote:Ég var alltaf með þann miskilning í hausnum að það mætti brugga en ekki sjóða(eima). Þannig að mörkin lægju einhverstaðar undir 20% ABV hjá flestum. Ef að 2.25% eru mörkin þá er manni næst að spyrja hvernig í ósköpunum hefur Áman, Vínkjallarinn og þeir sem seldu hér áður víngerðarefni komist upp með það og hvaða einstaka umburðuarlindi er það hjá lögregluni að sleppa heimabruggurum en djöflast í þeim sem vilja fá sér í vörina eða nefið?

Þeir selja víngerðarefni og búnað.

II kafli, 7 gr. wrote:Bannað er að eiga, flytja inn, útbúa eða smíða sérhæfð áhöld til að eima áfengi eða til að gera drykkjarhæft áfengi sem var ódrykkjarhæft, nema hafa til þess sérstakt leyfi.

Ef þeir seldu áfengi (án tilskylds leyfis) eða búnað til að eima áfengi, yrðu þeir væntanlega teknir á beinið.

Ég veit ekki betur en hér á landi sé hægt að kaupa neftóbak, "ruddann" sem margir taka einnig í vörina. Lögreglan "djöflast" í þeim sem eima áfengi og selja án leyfis. Ef þeir ættu að eltast við alla smábófana sem stela pakka af Tópas eða rauðu epli úr Bónus, eða halda skrá yfir þá sem kaupa víngerðarefni (eða einfaldlega sykur og brauðger í næstu matvöruverslun) fara heim til þeirra og mæla vínandamagnið... Tja, lögreglan myndi líklega ekki gera neitt annað, eins fáliðuð og hún er.

Löggjöfinni er sárlega ábótavant. Vonandi mun okkur Fágunarfélögum lukkast að hafa áhrif á hana til betri vegar.

Idle wrote:Löggjöfinni er sárlega ábótavant. Vonandi mun okkur Fágunarfélögum lukkast að hafa áhrif á hana til betri vegar.

Það ætla ég að vona að takist, annars þarf ég að komast á þing og laga þessi mál. En þetta er samt undarlegt að í öll þessi ár sem víngerðarefni hafa verið seld sem mér reiknast lauslega að séu tæp 30 ár, að aldrei hafi verið haldið uppi þeim áróðri að þetta sé bannað og maður sé vondi kallinn ef maður bruggar og borgar ekki skattinn. Ég vona bara að löggæslan og þeir sem að þessu koma séu með sama misskilning í hausnum og ég var með. Þá er hægt að sigla undir radar um ókomin ár þangað til að einhver vinstri beljan sem er á móti öllu ákveður að fara í stríð við okkur.

En þetta með neftóbakið er efni í annan póst á einhverju öðru spjallborði og lyktar af tvískinnungshætti og hræsni þeirra sem fara með löggjöfina. Gott dæmi um hvernig 'haltu mér slepptu mér' aðferðin kemur illa niður á okkur neytendum.

Þetta er nú svo sem ekki í fyrsta skipti á þessum 30+ árum sem vinstri menn eru við stjórn, svo maður hefur litlar áhyggjur, jafnvel þótt þeir virðist hafa meiri áhuga á strippstöðum og ljósabekkjum en að bjarga heimilunum...

En nóg af pólitík. Við komumst upp með þetta á meðan við erum ekki að eima eða selja, sem er fínt =)

Eða bara gera eins og ég: gera bara léttbjór í eða undir 2.25%

Namminamm, létt-stout.

ég er alltaf að lenda í því að léttbjórinn minn frýs og ég þarf að hella ofanaf klakanum

Já það getur orðið helvíti kalt og napurt hérna, stundum fer hann langt yfir löglegu 2.25 prósentin sem ég miða alltaf við.

það má brugga allt að 15% eða hef ég verið að miskilja??

http://www.althingi.is/skodalid.php?lth ... 115T190422" onclick="window.open(this.href);return false;

Þessi breyting á áfengislögunum sem þingmennirnir stungu upp á er enn stödd hjá allsherjarnefnd alþingis sýnist mér.

Atkvæðagreiðsla
Alþingi 132. löggjafarþing. 22. fundur. Atkvæðagreiðsla 33756
50. mál. áfengislög
(framleiðsla innlendra léttvína)
Þskj. 50.
16.11.2005 12:47
Samþykkt

Atkvæði féllu þannig: Já 50, nei 0, greiddu ekki atkv. 0
fjarvist 3, fjarverandi 10

Er ég að miskilja eitthvað??

Ferli málsins var frumvarp, umræður, atkvæðagreiðslur, allsherjarnefnd.

12:47-12:47 (33756) Frv. vísað til 2. umr. Samþykkt: 50 já, 13 fjarstaddir.
12:47-12:47 (33757) yfirlýsing. Frv. vísað til allshn.

Er til umfjöllunar í allsherjarnefnd síðan 21.11.2005

Frumvarpið hefur ekki verið samþykkt enn, og er líklega gleymt og grafið í skúffum allsherjarnefndar. Ágætt frumvarp, en ég hefði þó viljað sjá breytingu á því áður en það yrði afgreitt. Að óbreyttu mætti aðeins framleiða áfengi úr innlendum hráefnum.

Þrátt fyrir ákvæði 2. mgr. og 2. mgr. 6. gr. skal heimilt að framleiða án leyfis vín úr innlendum berjum, ávöxtum eða jurtum til eigin neyslu sem í eru að rúmmáli minna en 15% af hreinum vínanda.

Gaman væri að vita afhverju þeir enduðu á 15% en ekki 20-21%, liggja ekki annars þolmörk Turbo-gersins annars við 20%. Ætli þeir hafi farið í vettvangsferð í ÁTVR og fundið sterkasta rauðvínið í hillunum þann daginn og látið það duga sem viðmið?

Maður hefði haldið að heilbrigðast og sanngjarnast gagnvart þeim sem stunda þetta að leyfa alla gerjun það sem hún nær bara ákveðnum hæðum í ABV.

Ég myndi sætta mig við að það yrði leyft að brugga allt áfengi, að því gefnu að það væri ekki eimað og að það væri gert úr heilu hráefni (berjum, korni, ávöxtum) en ekki tilbúnum hráefnum eða hreinum sykri. Þannig væri ekki lögð blessun yfir gambra, lögin myndu ekki samþykkja rónabrugg, en menningarleg bjór- og víngerð væri leyfð.

Eða bara að leyfa allt upp að 15%, sama hvernig það er gert, að því gefnu að það sé til einkanota.