Fágun

Ég á nokkrar lagnir af bjór að baki og ætla nú að prófa vín. Ég hafði hugsað mér að nota sömu plastföturnar undir bjór og vín, en svo Craig (Youtube) mælir með að halda þeim aðskildum. Væntanlega til að fá ekki bragð og ilm af bjór í vínið og öfugt. Er einhver raunveruleg hætta á því? Hvaða reynslu hafið þið af þessu?

Ég lagði í EdWort's apfelwein fyrir rúmu ári síðan og lyktin er enn í gerjunarílátinu (plast en ekki gler). Ég veit ekki hvort að bragð eða lykt muni skila sér í bjórinn, en gerjunarílát eru svo ódýr að það borgar sig ekki að taka sénsinn.

Hjalti lenti einhverntímann í vandræðum með bragð á bjórlögn sem að hann gerjaði í fötu á eftir apfelwein'inu hans.

Ég gerði svipað eplagutl í plastfötu og þreif hana vel á eftir með klór. Engin lyktarvandamál, og hef notað sömu fötuna margoft síðan þá undir bjór.

Sem sé helst að hafa aðskilin ílát en annars þrífa vel með klór til að ná öllu úr plastinu. Þetta er varla vandamál með glerílátin.

Einmitt. Plastið getur drukkið lit og lykt í sig, en mín reynsla er sum sé að klór er undraefni (og mikið af heitu vatni til skolunar). Ef ég ætlaði mér hinsvegar út í einhverja tilraunastarfsemi með mismunandi vínþrúgur og annað, þá myndi ég frekar fjárfesta í glerkút eða a. m. k. hafa sér plastfötu undir það.

ég nota gler fyrir secondary og það sem þarf að vera lengi í íláti. ekkert að plastfötunum mínum sem klór reddar ekki á milli bruggana

Mér finnst 3500 krónur samt frekar mikið fyrir þessar fötur sem verslunin Áman er að selja.
Sá alveg eins fötur seldar sem múrfötur í húsasmiðjunni á um 1.500 kr. Dáldið síðan samt.

Múrföturnar eru nákvæmlega sömu fötur. Oft loklausar, reyndar. Þær eru víða til mun ódýrari en í Ámunni.

Þó að við gerum ráð fyrir 3500 kr. fyrir gerjunarílát, hversu mikið kostar eingöngu hráefnið fyrir eina lögn af meðal bjór? 3000 - 5000?
Myndi það þá ekki borga sig að kaupa gerjunarílát á 3500 til að skemma ekki eina lögn?