Kornelius kútar

[hrafnkell]

Mér sýnist það vera hellings áhugi fyrir þessu. Ég er að skoða hvað ég get gert, heyri í shopusa á morgun og prófa svo að skoða með einhver önnur fraktfyrirtæki. Ef einhver er með sambönd sem við gætum nýtt í þetta þá mætti hann láta mig vita

[smar]

Ég verð með af þessu verður, vantar svona 2 kúta.

[atax1c]

Eitthvað að frétta af þessu ?

[hrafnkell]

Ég er kominn með verð á shipping frá einum kauða, þá væri kúturinn líklega að enda í uþb 10þús með öllu. Væri komið eftir um 2-3 vikur frá pöntun max.

Væri einhver til í þetta á þessu verði?

Þetta miðast við að ég kaupi amk 20 kúta, þá er sendingarkostnaðurinn $34 per kút.

[Eyvindur]

Nei, mér finnst þetta of mikið. Ég bíð með þetta ef þetta er skársta verðið.

[hrafnkell]

Það er reyndar eitt wildcard í þessu.

Kútur kostar hingað kominn um $55 = 6411kr. Með vsk er það 8.045kr. Ef það er bara vsk á þessu, þá er það frábært, og kúturinn kostar hingað heim 8.045kr (8.500kr kannski). En segjum að það sé 20% tollur/vörugjöld á þessu, þá er verðið komið í 9.654kr (segjum 10.000kr).

Veit einhver hvað vörugjöld/tollar eru á svona græjum?



Ég var að browsa á tollskránna og er að tippa á þennan tollflokk:
Tankar, ámur, föt, dósir og áþekk ílát undir alls konar efni (þó ekki samanþjappað eða fljótandi gas), úr járni eða stáli, með ekki yfir 300 l rúmtaki, einnig fóðrað eða hitaeinangrað en ekki með vélrænum búnaði eða hitabúnaði:
7310.2900 - Annað


Ef kútarnir væru settir í þennan tollflokk þá er enginn tollur, bara vsk, og verðið hingað heim er um 8500kr per kút.

[valurkris]

ég gæti sætt mig við 8500

[kalli]

Ég segi pass.

[Eyvindur]

Ég hugsa að 8500 sé enn of hátt fyrir mig. Ég setti mér þak í 7000, og held að ég verði að standa við það.

Viðbót:
Ef enn fást nógu margir í þessa pöntun myndi ég þó ólmur vilja henda með nokkrum fylgihlutum. Kúlum á krana (skaftið á einum krananum mínum brotnaði) og nokkrum poppet lokum. Eins og ég segi, ef þessi pöntun gengur eftir.

[atax1c]

En væri þetta ekki að kosta mann meira en 10k per kút ef maður væri að standa í þessu einn ?

[hrafnkell]

En væri þetta ekki að kosta mann meira en 10k per kút ef maður væri að standa í þessu einn ?

Ég mundi halda það. Þetta er miðað við afslátt af kútunum og töluverðan afslátt af sendingarkostnaði útaf magni.

Plús það að þessi verð eru ekki með krónu álagningu frá mér - þetta eru sömu verð og ég fengi þetta á.

[atax1c]

Þá skil ég nú ekki hvað menn eru að kvarta

[bjakk]

Ætli við værum ekki til í 10 stk af þessum kútum. Við hvern á ég að vera í sambandi varðandi það.

Bjarni

[hrafnkell]

Ég ætla að drífa í þessu. Þeir sem vilja taka þátt í pöntuninni þurfa að láta mig vita hvað þeir vilja á kegconnection.com (vörunúmer, verð og link á vöruna) og svo borga svo (verð í usd) * 110 sem fyrirframgreiðslu. Ég panta svo græjurnar og rukka rest (vsk og sendingarkostnað) þegar þær eru mættar í hús og allur kostnaður er kominn á hreint.
Ef þáttakan er góð þá fæ ég heildsöluverð hjá kegconnection og verðin lækka. Sem þýðir að það sem er borgað umfram gengur upp í gjöldin sem ég þarf að greiða þegar græjurnar koma heim.

Ef þú vilt ekki panta kúta en vilt panta eitthvað annað þaðan þá er það ekkert mál.

Fínt að senda mér póst á brew@brew.is með upplýsingunum.

Seinasti séns til að skila inn pöntun er 28 feb (mánudagurinn næsti)

[siggis]

Eitt sem mig vantar að vita varðandi pöntunina. Eruð þið ekki bara að tala um strípaða kúta á þennan 7-10 þús?
Þ.e. maður þyrfit þá að bæta við viðeigandi aukahlutum til að klára dæmið ?

Sigurður S

[gunnarolis]

Jú þetta er bara kúturinn.

Eftir það vantar þig kolsýruhylki, þrýstijafnara, slöngur, tengi og krana/picnic tap.

[siggis]

Ok vissi þetta með kolsýrukútinn...það er væntanlega ísaga
En mælið þið þá ekki með að maður panti slöngur tengi og krana með að utan eða er hægt að nálgast það á skerinu ?
Hvað með þrýstijafnarann , þ.e. betra að panta eða kemur það með hylkinu sem maður kaupir hér ?

Sigurður S

[gunnarolis]

Ég keypti slöngurnar mínar í barka og þrýstijafnarann í Gastec. Þrýstijafnarinn fylgir ekki með kútnum. Kúturinn er frekar dýr, sennilega dýrasti hlutinn við kútasístemið.

[Eyvindur]

Þrýstijafnarar eru líka frekar dýrir. Að auki myndi ég mæla með því að kaupa aukaþéttingar.

Þetta er glettilega dýrt þegar allt er tekið saman. Ég myndi mæla með því fyrir alla að gera kostnaðaráætlun áður en ákvörðun er tekin. Þetta er fljótt að safnast upp. Ég klikkaði á því, og eyddi miklu meiru en ég ætlaði, sem kom aðeins aftan að mér. Bara svo fólk geri ekki sömu mistök og ég.

Gangi ykkur annars vel með þetta. Ég verð að segja pass í bili, enda fátækur námsmaður.

[atax1c]

Hrafnkell, info@brew.is er ekki að virka hjá mér, fæ þetta:

Delivery to the following recipient failed permanently:

info@brew.is

Technical details of permanent failure:
Google tried to deliver your message, but it was rejected by the recipient domain. We recommend contacting the other email provider for further information about the cause of this error. The error that the other server returned was: 550 550 5.1.1 sorry, no mailbox here by that name (chkuser) (state 14).

[hrafnkell]

Obbossí, brew@brew.is var það víst

Ég ætla líklega að kaupa bara heilt sett þarna frá kegconnection - Sendingarkostnaðurinn á þrýstijafnara, gaskút og slöngum er óverulegur í samanburði við bjórkútinn sjálfan. 2.5kg gaskútur kostar um 20þús hérna heima þegar ég skoðaði það seinast ($64 á kegconnection).

Það virðist ekki vera neinn tollur á gaskútum, bara vsk.


Ef við tökum verðdæmi:
http://stores.kegconnection.com/Detail.bok?no=430" onclick="window.open(this.href);return false;

Þessi pakki er með 2 bjórkútum, co2 kút, þrýstijafnara, slöngum, krönum. Þ.e.a.s. öllu sem þú þarft nema ísskáp, kolsýru og bjór. (kolsýrukúturinn kemur tómur)

($225 + $100) * 117 * 1.255 = 47.721kr fyrir 2 bjórkúta með öllu.

Þetta er auðvitað ekki 100% lokaverð, en ég held að þetta sé mjög nærri lagi. Ég setti vel ríflegan sendingarkostnað ($100), svona ef ske kynni að hann sé hár. Ég held að þetta verði kannski aðeins lægra.

[atax1c]

Ég ætla einmitt líka að kaupa heilt sett bara, kannski aukakút líka.

[gunnarolis]

Ég keypti þrýstijafnarann minn á sirka 15þúsund kall. Það var ódýrasti þrýstijafnari sem ég fann og hann hefur virkað vel hingað til í það minnsta.

[andrimar]

Helvíti er maður heitur fyrir þessu. Bara ein pæling voandi án þess að hleypa þræðinum í e-ð flamefest, pin eða ball lock. Margir virðast vera með pin lock hérna heima en maður sér nánast ekkert nema ball lock á midwest, nb etc þegar kemur að aukahlutum og öðru fíneríi.

[hrafnkell]

Helvíti er maður heitur fyrir þessu. Bara ein pæling voandi án þess að hleypa þræðinum í e-ð flamefest, pin eða ball lock. Margir virðast vera með pin lock hérna heima en maður sér nánast ekkert nema ball lock á midwest, nb etc þegar kemur að aukahlutum og öðru fíneríi.

Ég held að það skipti nákvæmlega engu máli. Pinlock kútarnir eru ódýrari hjá kegconnection, á meðan aukahlutir ganga flestir (allir) á bæði pin og ball kúta.