Fágun

Verður hann þá ekki útnefndur krúttgerill?

Einróma.

Glæsilegar tillögur
Eigum við að fá eina tvær í viðbót og svo kjósa? Er ekki hægt að gera svona poll hérna inni?

Já, svona bjórpoll... svo ná menn sér í rör og sjúga hann upp.

Hahahah

Nú er ég undir áhrifum gerla frá Árskógsströnd... Enginn annar?

Ein hugmynd hér. Eitthvað klúðraðist þó hjá mér í fótósjoppunni, en ég get lagfært þetta ef vill.

Skemtilegar hugmyndir, virka vel í prenti en ég held að fólk muni ekki sjá geril út úr þessum bollum þarna.
Þessi skjöldur er aðeins of einfaldur að mínu mati.
Strax og það var byrjað að tala um þetta þá datt mér í hug eitthvað svipað og homebrewtalk.com er með, hefði samt sleppt bjórkollunni.
Hjalti sýndi okkur fína hugmynd á fundinum okkar, það var svona horn og gerjanlegu hlutirnir flæddu úr horninu en það þarf að fá einhvern grafískann hönnuð eða eitthvað til að teikna það upp

En skjöldur með tilraunaglasi eða e-h þessháttar? Ég er að fíla skjöldinn, en finnst bara vanta eitthvað á hann. Skjaldarmerki, if you will.

Skjöldurinn er fín hugmynd en leturmeðferð er agaleg...
Tilraunaglas og eitthvað til viðbótar kæmi alveg til greina.
En jæja, ég kominn aftur heim úr rúturúnti og þá get ég smakkað þennan IPA okkar Sjonna.

Önnur tilraun. Lengi getur vont versnað!

Mér finnst þetta allt í áttina. Ég myndi samt vilja sjá tilraunaglas eins og grafið í skjöldinn, og einhverja aðra týpógrafíu. Lúkkið á skildinum finnst mér hins vegar mjög flott. Hvað með aðra?

Eyvindur wrote:Mér finnst þetta allt í áttina. Ég myndi samt vilja sjá tilraunaglas eins og grafið í skjöldinn, og einhverja aðra týpógrafíu. Lúkkið á skildinum finnst mér hins vegar mjög flott. Hvað með aðra?

Ég gleymdi tilraunaglösunum. Dunda mér e. t. v. eitthvað meira við þetta í dag.
Varðandi leturgerð, hvurslags stíl hefurðu í huga? Serif, sans serif? Held að sans serif leturgerðir henti þessum skildi einna best.

Hvað með eitthvað með örlitlu flúri? Mér finnst eitthvað skrýtið við að sjá svona rosalega plain letur á svona skildi... Er það bara ég?

Ég get aldrei farið eftir tillögum annarra, svo... Bygg og humlar!
Ég breytti leturgerðinni við skjaldarröndina úr Tahoma í Verdana, gafst upp á tilraunaglasinu í bili, og svo var stóra F-ið fyrir miðju farið að trufla mig örlítið.

Nei, ekki bygg og humla. Þetta er ekki bara bjórgerðarfélag. Verður að vera almennara.

lúkkar vel, ég myndi samt vilja sjá tilraunaglas þarna

Tilraunaglasið er í vinnslu. Þessi litli þykjustulistamaður sem býr í mér virðist hafa sofnað - spurning um að reyna að hrista upp í honum með einum Skjálfta?

Breytt: Hér er komið tilraunaglas.

Örlítið flúr til uppfyllingar. Er ég á réttri leið?

Já, þetta er allt á réttri leið, finnst mér. En er ekki málið að láta standa Fágun á miðjum skildinum?

Nú kemur reyndar tónlistarmaðurinn í mér blossandi... Hvernig væri að vera með F-lykla sitthvorum megin, á móti hvor öðrum, eins og F-göt á kontrabassa? Ekki ósvipaður fílingur og í flúrinu, nema tengist F-inu okkar...

Einhverjar tillögur um hvernig ég ætti að koma textanum fyrir á miðjum skildinum? Líst vel á F-lyklana. Ef ég hef FÁGUN í forgrunni, þ. e. yfir tilraunaglasið, mætti e. t. v. færa flúrið/F-lyklana upp og niður sitthvoru megin við, svo þeir lendi ekki í orðinu líka?

Breytt: Enn eitt uppkastið (vonandi veldur þetta engum uppköstum)!

Núna erum við farnir að tala saman!

Skerpti ögn á letrinu efst, lítilsháttar lagfæringar á skyggingu, og prófaði að taka F-lyklana út til samanburðar (fannst þetta orðið svolítið yfirþyrmandi vegna letursins fyrir miðju).

Sammála, F-lyklarnir gera þetta of busy...

En mér finnst þetta allt í réttu áttina.

Ég gerði hin fullkomnu byrjendamistök í gær; vistaði engar breytingar í Photoshop síðan snemma í gærmorgun, og þegar ég ætlaði að fara að halla mér í morgunsárið, fór rafmagnið af. Eftir fjögurra tíma svefn byrjaði ég á endurgerð myndarinnar eftir því sem ég sendi síðast inn, sem gekk alveg bærilega. Sáralítill munur nú, og því til staðfestingar læt ég hér fylgja enn eina gerðina; fannst hálf kauðalegt að láta letrið liggja yfir tilraunaglasinu.