Sælt veri fólkið.
Ég er áhugamaður um að nýta landsins gæði og prófaði þessvegna í fyrsta sinn í fyrrahaust að brugga krækiberjavín með ótrúlega góðum árangri þó ég segi sjálfur frá. Besta rauðvín sem ég hef smakkað.
Núna er ég að koma mér upp berjagarði (sól-, rifs-, jarð- og hindber) og rækta helst bara ætar/brugganlegar plöntur.
(Fékk til dæmis pláss fyrir mjaðurt í kryddbeðinu, hehe)
Svo er ég að prufa að brugga rótarbjór úr njóla og fíflarótum, byggðum á breskri burdock and dandelion uppskrift, lúkkar vel, en lyktin lofar ekki jafn góðu .
Draumurinn í augnablikinu er að útbúa góða og spennandi uppskrift að all grain með hráefnum héðan, íslenskt bygg (samt ekki fyrr en ég nenni að læra að malta), vallhumall, fíflablöð/rætur/blóm, mjaðurt, ætihvönn, beytilyng, byrki ...
Ég trúi semsagt ekki á hreinleikalögin, en mér finnst gruit pælingin ansi spennandi: http://www.gruitale.com/
Fyrir utan brugg hef ég hengt kjöt til að búa til norskt "Fenalår" sem er eiginlega bara einsog hangikjöt sem er ekki reykt, bara þurrsaltað og hangið í nokkra mánuði, og virkar ótrúlega vel með bjór, eða eins og einn maður sem fékk að smakka orðaði það: "Þetta er miklu metra en hnetur!". Það flokkast líklega undir fágun líka . Og svo bjó ég til gersamlega óætan harðan ost einu sinni.
Núna hlakka ég til að hella mér útí all grain.. og hella all grain í mig.