Spurning um gerjun og hreinsun

[irav]

Komið þið sæl(ir).

Ég var að leggja í bjór og mig langaði að vita tvennt.

Ef ég tek fleyti ekki úr gerjunarílátinu að strax gerjun lokinni eyðileggst þá bjórinn eða má hann bíða í einhvern tíma áður en honum er fleytt yfir, sykraður og tappað á flöskur?

Er eitthvað ráð til þess að losna við botnfallið sem kemur í flöskurnar eða er þar um að ræða ger sem verður að vera til að bjórinn verði almennilegur? Var að velta fyri mér hvort hægt væri að fleyta honum milli íláta oftar en einu sinni til að losna við botnfallið.

Ég er í minni fyrstu tilraun og óska eftri upplýsingum um þetta frá mér reyndari mönnum.

[hrafnkell]

Bjór má vel vera í 3 vikur í gerjunaríláti, og jafnvel lengur.

Varðandi botnfallið þá er það nauðsynlegt til að koma kolsýru í bjórinn. Ekkert botnfall = engin kolsýra, nema þú komir henni sjálfur í með öðrum ráðum.

[halldor]

Það er í lagi að láta bjórinn sitja á gerkökunni í 3 vikur en ekki mikið lengur en það, því þá fer gerið að éta sig sjálft og þá færðu (mjög óæskilegt) kjötbragð í bjórinn. En þú getur fleytt bjórnum yfir í nýja gerjunarfötu og leyft honum að vera þar í allavega 4 vikur í viðbót (kannski lengur... ég þekki það ekki nógu vel). Þú verður bara að gæta vel að hreinlæti þar sem það er ávallt hætta á sýkingu þegar bjór er fleytt yfir í nýtt ílát. Því áfengari og humlaðri sem bjórinn er, því minni líkur á sýkingu.

[Eyvindur]

Þessi gerdauðahræðsla er reyndar mjög orðum aukin. Ég hef geymt bjór í sömu gerjunarfötunni í heillangan tíma án þess að nokkuð hafi komið fyrir. Núna er ég með stout í fötu sem er búinn að vera á gerkökunni síðan í byrjun desember. Ég smakkaði hann um helgina og hann bragðast undursamlega. Miðað við það sem ég hef heyrt og lesið er ekkert slæmt að gerast fyrstu þrjá mánuðina, allavega. Það heyrir til undantekninga ef ég fleyti yfir í annað ílát, og sömuleiðis ef ég tek bjórinn af gerkökunni eftir innan við 5 vikur.

Eftir fleytingu er óhætt að geyma bjór í mörg ár, ef því er að skipta.

[Andri]

ég var með lagerinn minn í primary í 3-4 mánuði, ekkert diacetyl bragð eða autolysis

[Idle]

Þá er best að ég komi með mína reynslu. ESB á gerköku í mánuð við 17 til 18°C - örlítið sápubragð. Ætlaði að kenna glasinu um í fyrstu, nema sápubragðið fannst strax af síðasta mælisýninu fyrir átöppun, og ég nota ekki sápu í uppvaskinu - aðeins óblandað, sjóðheitt kranavatn.

Soapy flavors can caused by not washing your glass very well, but they can also be produced by the fermentation conditions. If you leave the beer in the primary fermentor for a relatively long period of time after primary fermentation is over ("long" depends on the style and other fermentation factors), soapy flavors can result from the breakdown of fatty acids in the trub. Soap is, by definition, the salt of a fatty acid; so you are literally tasting soap.

How to Brew - John Palmer

[Oli]

er ekki ágætt að fara meðalveginn í þessu, hafa bjórinn í primary gerjun í 2-3 vikur og þá annaðhvort að tappa eða setja í secondary ef þú ætlar að þroska bjórinn frekar eða hefur ekki tíma til að tappa á flöskur.
Ef þetta er Kit n Kilo extraktbjór þá myndi ég bara tappa á flöskur eftir 2-3 vikur í gerjun, verður ekkert mikið betri....eða verri.

[irav]

Takk fyrir öll svörin. En því lengur sem ég læt hann vera í gerjunarílátinu, er þá engin hætta á að gerið setjist það mikið að það verði ekki nægt ger til að það komi kolsýra í hann í flöskunum?
Er hægt að stjórna áfengismagni bjórsins við bruggunina?

[Idle]

Takk fyrir öll svörin. En því lengur sem ég læt hann vera í gerjunarílátinu, er þá engin hætta á að gerið setjist það mikið að það verði ekki nægt ger til að það komi kolsýra í hann í flöskunum?
Er hægt að stjórna áfengismagni bjórsins við bruggunina?

Það verður alltaf nóg eftir af geri í bjórnum til að kolsýra hann. Ég tók nýlega upp aðferð ("cold crash") sem felst í því að kæla bjórinn verulega niður (allt niður að frostmarki) og láta hann standa þannig í dágóðan tíma (allt frá nokkrum sólarhringum til vikna) fyrir átöppun. Þá fellur nær allt ger, prótein og fleira nammi til botns og þéttist þar, og bjórinn verður kristaltær fyrir vikið. Nóg ger eftir til þess að kolsýra hann, og botnfall í flöskum verður í lágmarki.

Áfengismagninu má t. d. stýra með mismunandi geri, sykurmagninu í virtinum (OG) og gerstoppi.

[Eyvindur]

Það þarf bara að hafa áhyggjur af gerinu við átöppun ef maður er með verulega áfengan bjór, en þá geta litlu skinnin verið orðin þreytt, eða ef maður hefur látið bjórinn þroskast mánuðum saman (vanalega fer þetta tvennt saman hvort sem er). Að öðrum kosti þarf maður vanalega ekkert að pæla í þessu.

[Öli]

Ég tók nýlega upp aðferð ("cold crash") sem felst í því að kæla bjórinn verulega niður (allt niður að frostmarki) og láta hann standa þannig í dágóðan tíma (allt frá nokkrum sólarhringum til vikna) fyrir átöppun. Þá fellur nær allt ger, prótein og fleira nammi til botns og þéttist þar, og bjórinn verður kristaltær fyrir vikið. Nóg ger eftir til þess að kolsýra hann, og botnfall í flöskum verður í lágmarki.

Þetta er sennilega það sem spyrjandinn vill gera. Það er skemmtilegra að hafa bara örþunnt botnfall í flöskunni frekar en þykka leðju

En annars jú, þú getur sett bjórinn þinn á þrýstikút (prófaðu að googla 'homebrew cornelius'), trukkað á hann kolsýru og drukkið hann af krana
Ef þú vilt svo setja hann á flöskur geturðu notað "Counterpressure Bottle Filler" (beer gun) og ef rétt er gert ætti hann að vera æði gerlítill (það er ger í öllum bjór).

Beer gun: http://www.youtube.com/watch?v=LxVsLkV9RFw

P.s. við þurfum ísl. þýðingu á beer gun. Bjórbyssa ? Þrýstifyllir ?

[Eyvindur]

Gagnþrýstifyllir.

Annars er algjör óþarfi að nota svoleiðis. Picnic krani og rör, með stopper sem fer í stútinn, á víst að duga fullkomlega. Þá er kúturinn stilltur á 3-4 psi og dælt rólega í flöskuna, þrýstingnum hleypt út reglulega. Ég sá þetta á youtube, en finn það ekki aftur...

[Oli]

Gagnþrýstifyllir.

Annars er algjör óþarfi að nota svoleiðis. Picnic krani og rör, með stopper sem fer í stútinn, á víst að duga fullkomlega. Þá er kúturinn stilltur á 3-4 psi og dælt rólega í flöskuna, þrýstingnum hleypt út reglulega. Ég sá þetta á youtube, en finn það ekki aftur...

Ég nota svoleiðis aðferð, er með plaströr sem passar í picnic kranann, setti rörið í gegnum stopper, virkar alveg upp að 15 psi.

[irav]

Takk fyrir þetta. En ég er að velta því fyrir mér hvað ég get gert til að mæla áfengismagn bjórsins við bruggun og hvað ég get gert til að hífa prósentuna kannski aðeins upp.

[Idle]

Þú mælir eðlisþyngd fyrir (Original Gravity) og eftir (Final Gravity) gerjun með sykurflotvoginni, og notar svo einhverja notalega reiknivél til að reikna út áfengismagnið (til dæmis þessa. Því meira af gerjanlegum sykrum, því áfengari verður bjórinn.

[irav]

Þvílíkir snillingar eru þið.

Það eru 1040 og 1010 og þá fæ ég út 3,89 % sem ég vil fá ofar. Bæti ég sykri við?

Minnkar áfengismagnið ekkert við lengri biðtíma fyrir átöppun?

[sigurdur]

Þvílíkir snillingar eru þið.

Það eru 1040 og 1010 og þá fæ ég út 3,89 % sem ég vil fá ofar. Bæti ég sykri við?

Minnkar áfengismagnið ekkert við lengri biðtíma fyrir átöppun?

Áfengismagnið minnkar ekki með tímanum.

Ef þú vilt fá hærri alkóhólprósentu, þá getur þú bætt við einhverskonar gerjanlegum sykrum, en ég held að bragðið verði bara verra við það. Þú ert með kit'n'kilo dót, ekki satt?

[irav]

Jú þetta er svoleiðis.

[kristfin]

til að reikna út alkahólmagn þá er til þessi einfalda formúla:

Code: Select all

Av = 132.715(OG − FG) = (OG − FG) / 0.00753

þannig að ef þú ert með OG=1,040 og FG=1,010, færðu

Code: Select all

ABV = 133 * (1,040-1,010) = 133 * 0,030 = 3,99, 

eða rétt tæplega 4 sem er alveg nógu nákvæmt miðað við allar mæliskekkjurnar

til að auka alkahóli þarftu meiri sykur fyrir gerið. þumalputtinn er að fara ekki með hreinan sykur yfir 10% samt.

hvert prósent af sykri, gefur svona einn punkt í hækkun á sykurfloti. þeas, 1% meira af sykri og OG hækkar um 0,001

þannig að 10% sykur mundi hækka OG úr 1,040 í 1,050