Hvað er verið að smakka?

[sigurdur]

Vildi ræsa þennan þráð fyrir þá sem að vilja deila með öðrum hvað þeir eru með í glasi, endilega skelltu inn svari með því sem að þú ert að drekka.
Ég er núna að smakka Duchess de Bourgogne, fyrsta flæmska bjórsmakkið mitt. Algjört nammi.
Mjög spes bjór samt.

[hrafnkell]

Ég er að tækla þorrabjórana í kvöld.. Suttlungasumbl og egils komnir niður og Kaldi næstur.

Egils finnst mér bara eins og hver annar lager, ekkert sérstaklega varið í hann en svosem ekkert slæmur heldur.
Suttlungasumbl er ég hrifinn af, kem hugsanlega með nánari lýsingu þegar ég sumbla aðeins meira í honum.

[Andri]

Ég var ekkert svo hrifinn af Suttungasumbli, hef ekki smakkað hina þorrabjórana.
Duchesse er snilldin ein, fyrsti sopinn sagði undirmeðvitundinni að taka ekki annan bjórheilinn sem var forritaður á lager sagði mér að þetta væri ekki bjór eins og ég er vanur og væri líklega ekki góður. En djöfull var hann góður og öðruvísi, það var svo mikið í gangi ég hugsa að ég verð að kaupa meira og rýna í hann ;p

[Hjalti]

Ég er að drekka minn eginn jólabjór... náði ekki að klára hann um jólin

[Eyvindur]

Ég er að sötra La Trappe Tripel. Jiminn hvað ég dýrka þann bjór. Næst er Suttungasumbl, sem er líka í einstöku uppáhaldi. Ef ég kemst í Heiðrúnu fljótlega þarf ég klárlega að kaupa Duchesse, enda einn besti bjór sem ég hef smakkað. (Já, ég er mikið fyrir belgíska bjóra).