Ég pantaði mér 2x 40A solid state relay til þess að stjórna 4x 2000w hitaelementum (hvort relay sér um 2 element) og svo PID controller sem kemur til með að kveikja á elementunum og slökkva til að halda réttu hitastigi.
PID controller
http://cgi.ebay.com/ws/eBayISAPI.dll?Vi ... 0362724205" onclick="window.open(this.href);return false;
Relay (með kæliplötu)
http://cgi.ebay.com/ws/eBayISAPI.dll?Vi ... 0399377322" onclick="window.open(this.href);return false;
Pælingin sem ég er í núna er að smíða plásslítið RIMS kerfi, eða útgáfu af RIMS amk.
Ég ætla að finna mér 20-30 lítra fötu, taka úr henni botninn og sníða í staðinn gataplötu með 2mm götum í botninn á henni. Þessi fata verður eingöngu fyrir kornið, og mun vera í suðupottinum á meðan meskingu stendur. Dæla sér svo um það að dæla vatni (virti) úr dauða rýminu fyrir utan fötuna í hana aftur og halda þannig hreyfingu og hringrás á korninu, í von um betri meskingu og hærri nýtni. PID controllerinn og elementin sjá svo til þess að meskihitastigið sé 100% þar sem ég vil hafa það.
Þetta hefur nokkra kosti:
- Þrepamesking, mashout o.fl. verður lítið sem ekkert mál. Bara spurning um að breyta stillingunni á PID controllernum til að breyta hitanum
- Ég losna við að þurfa að fá mér stærra meskikar (sem var á dagskránni) og hef mun betri stjórn á hitastiginu á meskingunni
- Þetta er einfalt, plásslítið, og krefst aðeins einnar dælu.
- Þegar mesking er búin get ég sett suðu á fullt, á meðan fatan situr fyrir ofan pottinn og restin af virtinum lekur af korninu
- Bruggdagurinn minn styttist um klukkutíma, hugsanlega meira
- Repeatability - Allar líkur á að nýtni o.fl. verði mjög svipuð í hvert skipti sem ég nota þetta kerfi
- Lágmarks kostnaður. Svona held ég kostnaði í lágmarki, en get frekar auðveldlega fært mig yfir í full blown RIMS eða HERMS ef mér svo sýnist seinna meir.
- Líklega meira sem ég man ekki eftir núna
Þar sem partarnir eru bara á leiðinni núna geri ég ekki ráð fyrir að gera mikið meira í þessu fyrr en þeir koma. Spurningar og komment eru þó vel þegin. Ég held því alls ekki fram að þetta sé fullkomið plan, og þessvegna væri gaman að fá að heyra hvað reynsluboltarnir hérna segja um þetta.
P.S.
Þar sem einhverjir á spjallinu í gærkvöldi voru búnir að lýsa áhuga á því að fá svona controller líka þá pantaði ég 2stk aukalega. Ég geri ráð fyrir að þeir muni kosta 8-9000kr og ef þið hafið áhuga á einum eða báðum þá sendið mér bara skilaboð.