Nýr maður

[Steini]

Komið þið sælir allir,

Þorsteinn heiti ég og er búinn að vera að drekka í mig fróðleikinn sem er að finna á þessari síðu. Frábær vettvangur fyrir mann eins og mig sem ekkert veit og ekkert kann í bjórgerð. Vonast til að geta lagt í eitthvað innan skamms.

Kv,
Steini

[sigurdur]

Sæll Steini og vertu velkominn.
Vertu bara duglegur að lesa þig til, jafnvel skoða myndbönd og spyrja.

[valurkris]

Vertu velkomin á þetta skemmtilega samfélag

[kristfin]

velkominn.

bara spyrja ef það er eitthvað.

[Steini]

Þakka góðar móttökur félagar,

Er að byrja á að koma mér upp nauðsynlegasta búnaði og ef einhver á eitthvað sem er búinn að uppfæra hjá sér, þá má hafa samband.
Annars fannst mér algjört lágmark að skrá mig hér á síðuna fyrst svo mikið af frábærum upplýsingum er að finna hérna.

Kv,
Steini

[kristfin]

passaðu bara að tapa þér ekki í tækjunum.

það er hægt að brugga allgrain með dótinu sem þú átt eldhússkápnum. koma fyrsta batchi af stað áður en maður tapar því.

agalegt þegar maður horfir uppá að það er aldrei hægt að brugga fyrstu bruggun því það er alltaf verið að bíða eða smíða

[Eyvindur]

+1

Margir mikla þetta líka fyrir sér vegna tækjakostar, en í raun þarf ekki neitt, ef maður er tilbúinn að byrja á litlum skömmtum. Og fyrir stærri skammta getur verið nóg að vera bara með stóran pott (eða meskiker og skipta suðunni í fleiri en einn hluta). Það er miklu sniðugra að sníða bruggferlið að sínum aðstæðum en að vera að ásælast einhverjar græjur sem gæti tekið óratíma að koma sér upp, bara af því að maður sá á netinu að þetta eða hitt væri voða fínt. Ef þú kynnir þér aðeins ferlið og sérð hvað skiptir máli (síun, skolun, hiti, o.s.frv.) og hvað er aukaatriði ertu fljótur að átta þig á því hvernig þú getur nýtt það sem þú hefur aðgang að, hvernig þú getur orðið þér úti um það sem þig vantar án þess að það kosti þig mikið, og hvernig þú getur lagað ferlið að þínu plássi og tíma. Það er um að gera að vera duglegur að spyrja, og bara drífa sig af stað. Gera lítinn skammt með potti og poka, bara til að komast í gang ef þig vantar eitthvað upp á stærri skammta. Þú getur örugglega sníkt smáræði af korni hjá einhverjum, svona rétt til að prófa mini-skammt. 10l málningarfata væri fín í gerjun á svoleiðis.

Hvað um það, ég gæti haldið mjög lengi áfram, en þú skilur hvað ég er að fara. Fikta, prófa, láta ekkert stöðva sig. Það er það sem þetta snýst um.

Velkominn!

[atlipall]

Ég er að gera ca 4L skammta, þurfti ekkert að kaupa nema flotvog, hitamæli og sauma mér stórann tepoka úr nælonefni. Kostar lítið, tekur ekki langann tíma og er stórskemtilegt.

[Steini]

Held spurningum mínum áfram í rétta spjallinu,
Takk fyrir góðar móttökur drengir mínir.

Kv,
Steini