Goldenfields Gobbler (hveitibjór)

[Idle]

Tilbrigði við fyrri hveitibjórinn. Meira hveiti og smáræði af CaraPils. Meiri humlar.

Code: Select all

Recipe: Goldenfields Gobbler #2
Brewer: Sigurður Axel Hannesson
Asst Brewer: 
Style: Weizen/Weissbier
TYPE: All Grain
Taste: (35,0) 

Recipe Specifications
--------------------------
Batch Size: 18,93 L      
Boil Size: 22,71 L
Estimated OG: 1,051 SG
Estimated Color: 3,6 SRM
Estimated IBU: 14,7 IBU
Brewhouse Efficiency: 75,00 %
Boil Time: 60 Minutes

Ingredients:
------------
Amount        Item                                      Type         % or IBU      
2,45 kg       Wheat Malt, Ger (2,0 SRM)                 Grain        59,76 %       
1,50 kg       Premium Pilsner (2 Row) Ger (2,0 SRM)     Grain        36,59 %       
0,15 kg       Cara-Pils/Dextrine (2,0 SRM)              Grain        3,66 %        
15,00 gm      Hallertauer Hersbrucker [4,00 %]  (60 min)Hops         7,6 IBU       
20,00 gm      Hallertauer Hersbrucker [4,00 %]  (25 min)Hops         7,1 IBU       
10,00 gm      Hallertauer Hersbrucker [4,00 %]  (10 min)Hops          -            
1 Pkgs        SafBrew Dry Ale (Fermentis #WB-06)        Yeast-Wheat                


Mash Schedule: Single Infusion, Medium Body, No Mash Out
Total Grain Weight: 4,10 kg
----------------------------
Single Infusion, Medium Body, No Mash Out
Step Time     Name               Description                         Step Temp     
60 min        Mash In            Add 10,69 L of water at 75,6 C      67,8 C        

[Braumeister]

Hvernig kom þetta ger út? Bananilmur, eintóm gleði og hvaðeina?

[kristfin]

er þetta sama ger og þú notaðir síðast?

annars held ég að þú sért maðurinn í hveitibjórunum. hlakka til að fá að smakka þennan

[Idle]

Má vera að ég sé brenglaður, en ég þykist finna skemmtilega blöndu banana, neguls, gers og malts í þeim fyrri. Þetta ger, WB-06 er ekkert minna en úrvals. Sama ger í þessum.

Ætlaði að gera OSH klónið í dag, en vantaði gerið upp á. Ef einhver á Nottingham til skiptanna, legg ég í hann á laugardaginn.

[dax]

Aldrei nokkurn tíman hef ég náð 75% Brewhouse Efficiency. Hef náð 70% og verið kátur með, en hvernig í ósköpunum nærðu svona mikið af sykri úr korninu?

[Braumeister]

OK, ég hef hingað til bara notað Weihenstephaner-gerið frá Wyeast. Kom sallafínn bjór út úr því. Prófa þetta etv næsta vor þegar hækkandi sól fær mann til að þyrsta í hveitibjór.

[Idle]

Aldrei nokkurn tíman hef ég náð 75% Brewhouse Efficiency. Hef náð 70% og verið kátur með, en hvernig í ósköpunum nærðu svona mikið af sykri úr korninu?

75% sem þú sérð þarna eru viðmið í BeerSmith. Ég hef verið að rokka frá 71% og upp í 79% í a. m. k. eitt skipti, svo 75% er ágætt meðaltal.

Ég veit ekki um neina eina sérstaka ástæðu þess að nýtingin sé svona hjá mér, enda margt sem hefur áhrif á hana. Kornið er vel malað frá Ölvisholti, ég er hittinn á hitastigin í kringum meskinguna.

[Braumeister]

Ég er búinn að vera að skoða svolítið hvernig belgískan mig langar til að brugga. Mér til mikillar furðu halda margir því fram að Leffe Blonde sé gerjaður með þýska hveitibjórsgerinu sem ég nefndi í innlegginu hér að ofan.

Vildi bara benda þér á þetta, þú gætir etv notað gerkökuna úr þessum í þetta.

[Idle]

Ég er búinn að vera að skoða svolítið hvernig belgískan mig langar til að brugga. Mér til mikillar furðu halda margir því fram að Leffe Blonde sé gerjaður með þýska hveitibjórsgerinu sem ég nefndi í innlegginu hér að ofan.

Vildi bara benda þér á þetta, þú gætir etv notað gerkökuna úr þessum í þetta.

Í þetta hvað? Belgískan? Ég er almennt lítið gefinn fyrir belgíska bjóra, einmitt vegna þessa gers sem er notað. Hinsvegar er ég að íhuga að gera annan hveitibjór og nota þá kökuna undan þessum.

[Braumeister]

Þetta var kanski óljóst hjá mér, en já, mig langaði til að benda þér á að ég hefði séð að það væri ef til vill hægt að nota þetta ger til að brugga bjór svipaðan Leffe Blonde. (Þetta var kanski ekkert betur orðað..)

Kakan dugar auðvitað í tvær laganir...

[Idle]

Með ókeypis vinnuafli Harðar (hordurg), fór þessi á flöskur í kvöld. Svo var tekin skyndiákvörðun um að nýta gerkökuna, og annar skammtur bruggaður umsvifalaust, og fleytt ofan á kökuna af þeim fyrri. Mælisýnið bragðaðist það vel af þeim fyrri.

Uppfært: Tæpum fimm tímum síðar voru gerlarnir byrjaðir að vinna, og veislan hefur verið í algleymingi síðan þá. Sem betur er nóg pláss í fötunni, svo frárennslisslanga er óþörf.

[kristfin]

ég hefði gaman að því að fá afleggjara af þessari gerköku þegar þessi umferð fer á flöskur

[Idle]

ég hefði gaman að því að fá afleggjara af þessari gerköku þegar þessi umferð fer á flöskur

Alveg sjálfsagt. Ég er að velta fyrir mér hvort það væri jafnvel óhætt að endurtaka leikinn þegar þar að kemur - skvetta nýrri lögun á gerkökuna undan þessum (að frátöldum afleggjara handa þér). Þarf að leggjast yfir Google og HBT í dag.

[Bjössi]

Hvar færðu "SafBrew Dry Ale (Fermentis #WB-06)"
ég verð kominn með allt hráefni í hveitibjór, ætlaði að fara eftir uppskrift frá Idle, er mjös spenntur fyrir þeim bjór
en vantar WB-06

[Idle]

Hvar færðu "SafBrew Dry Ale (Fermentis #WB-06)"
ég verð kominn með allt hráefni í hveitibjór, ætlaði að fara eftir uppskrift frá Idle, er mjös spenntur fyrir þeim bjór
en vantar WB-06

Ég hef verslað hér.

[kristfin]

verður gerkakan ekki orðin soldið stór ef þú notar hana alla.

[Idle]

verður gerkakan ekki orðin soldið stór ef þú notar hana alla.

Jú, alltof stór. Ég var óhemju latur um kvöldið, svo ég játa mistökin. Að sjálfsögðu ætti maður í það minnsta að nota aðeins það magn sem til þarf (Mr. Malty til bjargar!), og þrífa gerjunarfötuna á milli. Þarf bara að verða mér úti um nokkrar krukkur áður en ég skipti henni niður næst. Já, og ekki einka ykkur þetta til eftirbreytni.

[Eyvindur]

Það er nú samt mjög algengt að menn dömpi bara beint ofan á gerkökuna. Ekkert hættulegt, að því gefnu að seinni bjórinn sé sterkari og bragðmeiri en sá fyrri.

Eftir því sem ég hef lesið er óhætt að nota 5 kynslóðir af sama gerinu - þumalputtaregla. Eftir það er orðin töluverð hætta á stökkbreytingum.

[Idle]

Það er nú samt mjög algengt að menn dömpi bara beint ofan á gerkökuna. Ekkert hættulegt, að því gefnu að seinni bjórinn sé sterkari og bragðmeiri en sá fyrri.

Eftir því sem ég hef lesið er óhætt að nota 5 kynslóðir af sama gerinu - þumalputtaregla. Eftir það er orðin töluverð hætta á stökkbreytingum.

Einmitt, en "over pitching" (eins og í þessu tilfelli) getur haft óæskileg áhrif á bragðið, og ku vera sérstaklega varhugavert með hveitibjóra.

Já, og þessar fimm kynslóðir eru almennt ágæt regla. En ef hreinlætið er í lagi og gerjun fyrri kynslóða hefur verið í lagi, má nýta það í tugi skipta.

Annars hef ég engar áhyggjur af þessu, þvert á móti verður bara gaman að vita hvort þetta muni hafa áhrif á bjórinn, og ef svo, hvernig.

[Bjössi]

takk fyrir þetta Idle, ég keypti í morgun5 bréf af WB-6 geri af e-bay
mannstu hvað tók langan tíma að fá þetta, 2-3 vikur?

[Idle]

takk fyrir þetta Idle, ég keypti í morgun5 bréf af WB-6 geri af e-bay
mannstu hvað tók langan tíma að fá þetta, 2-3 vikur?

7 til 10 daga.

[aki]

Ég var að prófa að kaupa ger frá hopshopuk.com. Þeir eru með fína vefverslun. Fékk það í dag með póstinum eftir þrjá daga.

Það kostaði 5.90 + sendingarkostnaður 2.00 = 1600 kr. eða 800 kr hvor pakki. Þetta er Brewferm Blanche frá Belgíu.

Ætla að prófa að panta tappa og fleira frá þeim næst. Ætli sendingarkostnaðurinn rjúki þá ekki upp úr öllu.

[kristfin]

áki, þegar þú ert búinn að gerja fötuna þína, endilega leyfðu mér að fá afleggjara af gerinu

[aki]

Ég skal hafa þig í huga. Miðað við það sem ég hef lesið þá kemur eitthvað ofurkrausen á þetta... verður forvitnilegt að sjá.

Nú vantar mig bara Hallerthauer og Pilsnermalt...

[kristfin]

líttu bara við áki. ég á 40 grömm af hallerthauer og 20 kíló af pilsner malti. nóg til og meira frammi.