Gylltur, örlítið þokukenndur. Lítill sem enginn haus, en skilur eftir sig smá slæður í glasinu. Ilmar af malti, svolítið blómlegur. Rétt magn af kolsýru kætir og lyftir þessu létta öli svolítið upp. Í fyrsta sopa fann ég yfirþyrmandi járnbragð, hvaðan sem það hefur komið. Eftir þrjá, fjóra til viðbótar, var ég kominn í örlítið sætt malt með lítilli beiskju í fyrstu, en grösugir humlar komu sterkir inn í lokin. Mun beiskari en ég reiknaði með. Ekkert flókið hér á ferð, bara vel gert enskt öl með ágætu jafnvægi malts og humla.
Fyrirhugað: Bruggpása. Í gerjun: Ekkert. Í þroskun / lageringu: Ekkert. Á flöskum: Ekkert. Bruggað (AG): 588 l.