Fyrir utan Kaldi light og Freyju, þá er komið inn á heimasíðu ÁTVR bæði Anchor Liberty frá Anchor Steam brugghúsinu í San Francisco og Duchesse de Bourgogne frá Verhaeghe brugghúsinu í Vichte, Belgíu. Hérna eru á ferð alveg hreint frábærir bjórar og vil ég hvetja ykkur kæru bræður og systir til þess að tjékka á þeim.
Anchor Liberty er í áttina að IPA og var Fritz Maytag stofnandi Anchor brugghússins einn af frumkvöðlum bjórendurreisnarinnar vestra á áttundaáratug síðustu aldar. Má segja að með þessum bjór hafi Fritz komið IPA inn á kortið í Bandaríkjunum. Ég vona bara að Liberty-inn er í góðu standi.
Duchesse, í flæmska rauðölsstílnum, er alveg hreint magnaður bjór í mínum bókum og bjór sem að ég mæli hiklaust með ef að fólk vill komast inn í tunnuþroskaða/örveru ("wild", en þó í raun samt ekki) bjóra. Mér finnst bæði frábært og ótrúlegt að verið sé að flytja þennan inn
Ég hef ekki enn náð að kíkja í Kringluna eða Heiðrúnu, þannig þetta er ekkert endilega enn komið í hillu, en maður vonar það bara.