Sælir
Ef þið eruð eitthvað eins og ég þá drekkið þið meira af bjór en þið bruggið. Úrvalið í vínbúðunum hefur verið að breytast alveg svakalega mikið síðustu mánuði. Einhverjir bjórar detta út og aðrir koma inn. Mig langaði bara að minna ykkur á að þetta er á okkar valdi, hvort gæðabjórarnir haldist í sölu eða ekki. Það er ótrúlegt hversu mikil (hlutfallsleg) áhrif maður getur haft með því að benda vinum og vandamönnum á að kaupa þennan en ekki hinn o.s.frv. Til dæmis er ég búinn að kaupa 3% af öllum London Porter sem selst hefur á árinu 2009 (skv tölum í link hér fyrir neðan) og ábyggilega stuðlað að sölu að öðru prósenti.
Það er grátlegt að hugsa til þess að bjórar eins og Westmalle (Dubbel og Tripel), Hoegaarden, Franziskaner, Chimay, Duvel ofl. hafa dottið úr sölu.
Linkurinn hér fyrir neðan sýnir sölu sem af er ári... tölur um öl eru á síðustu bls. Ath. tölur frá 2000-2009 aðgengilegar á vinbud.is
http://www.vinbudin.is/Portaldata/1/Res ... n_2009.pdf" onclick="window.open(this.href);return false;
Mig langar að benda á að Orval er greinilega á "gömlu" verði, kr. 395 og því býsna góð kaup. Mér þykir einnig líklegt að hann hverfi úr vínbúðum í nú í ár eða hækki um allavega 100 kr.. Þeir sem ekki hafa smakkað þann gæðabjór ættu að gera það hið fyrsta og þið hin ættuð að kaupa ykkur hann og geyma í 1 til 2 ár
Ég vil taka fram að ég tengist Orval eða heildsölum hans ekki á neinn hátt... ég var bara loksins að taka Orval í sátt og vil ekki að þið missið að tækifærinu til að gera hið sama.
Endilega kommentið ef þið hafið einhverju við þetta að bæta.
Jæja þetta er orðin langloka... takk fyrir að lesa