Mig langaði til að gera öðruvísi jólabjór, þar sem ég er dáldið þreyttur á þessum venjulegu millidökku kryddbjórum.
Ég ákvað því að prófa að gera eftirréttinn ris a la mande sem súrbjór.
Ég notaði í hann um 0,5 kg af möndluflögum, appelsínuberki og smá vanillu, auk 3 kg af súrum kirsuberjum (tart cherries), sem gefa bjórnum þennan fagurrauða lit.
Helstu upplýsingar:
OG: 1.045
FG: 1.008
IBU: 0
Korn:
5 kg Vienna
Meskihitastig 66°C
Ketilssýrði eftir meskingu með 10 hylkjum af Lactobaccillus acidophilus úr heilsuhúsinu. Þessi baktería myndar greinilega mikið og ljót pellicle, þrátt fyrir að ég setti nóg af kolsýru yfir. Það kom ekki að sök, því hann var orðinn mjög bragðgóður eftir 2 daga við 37°C. Sauð hann þá, með 0,5 kg af möndluflögum, appelsínuberki af 3 appelsínum, og 1 vanillustöng í 15 mínútur.
Kældi og færði hann yfir í gerjunartunnu og gerjaði með 2 pökkum af US-05 í viku. Færði hann síðan í aðra gerjunartunnu yfir 3 kg af frosnum súrum kirsuberjum og leyfði honum að liggja á þeim í þrjár vikur.
Setti síðan á flöskur og kút 29. nóvember.
Niðurstaðan er temmilega súr, fagurrauður bjór, með ávaxtabragði og keim af möndlum, sérstaklega í lykt.