Ég henti loksins í fyrsta bjórinn og held að mesta ánægjan sem ég fái af þeim bjór er að hafa stigið fyrsta skrefið.
Þetta er bara svona bjórkit sem ég keypti í Fjarðarkaup, belgian blonde verður gerður næst.
Það eru skemmtileg klúður sem áttu sér stað og eitt þeirra var að eftir að hafa marg lesið leiðbeiningarnar að þá setti ég 23L af vatni í restina út í tunnuna. Fattaði síðan stuttu seinna að það gæti ekki verið rétt og las yfir enn einu sinni. Í þetta skiptið sá ég alveg greinilega að ég átti að setja vatn upp að 23L. Henti ehemm... dass af sykri út í og náði OG í 1.040.
Komst síðan að því að kælispírall ætti heima töluvert ofan á óskalistanum mínum og gleymdi síðan að hrista virtinn áður en ég setti hann inn í gerjunarskápinn. Hann er byrjaður að bubbla eitthvað og búinn að vera inni núna í 2 daga.
Býst ekki við einhverju drekkanlegu en fyrsta bruggunin er allavegana búin