Til að byrja með, þá er mjöður alls ekki bjór, það er hunangsvín. Mjöður er miklu sætari en bjór (oftast nær), nema maður gerji allan sykur úr miðinum (og fái þá mjöðinn sem borg brugghús býr til og er hreint ekki góður). Ég get fengið mjöð hjá vini mínum, það er því ekkert vandamál. Hins vegar, þá finnst konuni gott að drekka bjór, en þessi hefðbundni bjór sem við erum vön (bjórinn sem varð svo vinsæll eftir hreinleika lögin, eða Reinheitsgebot), er með humlum og þar sem hún hefur ofnæmi fyrir því, þá datt mér í hug að nota aðrar jurtir til að fá beiskjuna og brugga þá uppáhaldið hennar sem er hveitibjór. En áður en Reinheitsgebot varð að veruleika, þá voru nánast allir bjórar Gruit bjórar, kryddaðir oftast með 3 tegundum af jurtum og svo e.t.v einhverju öðrum jurtum, fer eftir uppskriftini hverju sinni.
Málið með Gruit bjórana er að, þeim var mikið til stjórnað af kaþólsku kirkjuni og urðu þeir suddalega ríkir á því að brugga þessa bjóra og stjórna þeim. Minnir að það mátti enginn brugga slíka bjóra nema með samþykki kaþólsku kirkjunar. Þegar verið var að innleiða Reinheitsgebot, þá var það um svipað leiti og mótmælenda trúin var að hefja innreið sína og voru þeir ekki alls kostar ánægðir með að Kaþólikar stjórnuðu Gruit bjórunum og var það tilgangur Reinheitsgebot (að mig minnir) að losna undan þessum áhrifum og líka róa fólk með humlunum, því jurtirnar sem notaðar eru í Gruit bjóra, gat æst fólk, virkaði oftar en ekki eins og viagra og stundum var bætt jurtum sem ollu ofskynjunum. Með humlunum, þá róaðist fólk töluvert niður (enda innihalda humlar mikið magn af phyto estrogen, eða plöntu estrógen sem svipar mikið til kvennhormónsins estrógen), menn sem unnu mikið með humla áttu á hættu á að fá svo kallað "brewers droop", sem sé, getuleysi. Voru t.d. bar eigendur og bruggarar oftar en ekki í áhættu fyrir því. En fyrir þá sem eiga erfitt með að sofa, þá er gott að þvo koddaver upp úr humlum, því ilmurinn er róandi.
Alla vega, þetta er rosalega skemmtileg lesning og mæli ég með því að fólk lesi sér til um þetta
Er enn opinn fyrir tillögum ef einhver veit um góðar jurtir sem gætu verið góðar til að skipta út humlunum