Nýliði kominn á kreik

[Sevedrir]

Komið þið öll sæl og blessuð!

Sigurður heiti ég, og er glænýr í brugghobbíinu.
Ég hef mest verið að dútla mér í mjaðarbruggi og ciderbruggi fram að þessu, en ég hef því miður takmarkaðann áhuga á bjórbruggun einfaldlega út af eigin bragðlaukum
En ég hlakka til að kynnast fólkinu á Fágun sem fyrst og dýfa mér headfirst eins og þeir segja í heim heimabruggsins.

Með kveðju,
Siggi

[hrafnkell]

Velkominn

Það er fullt af fólki hér sem er að dunda sér í miði og cider

[æpíei]

Tek undir það. Það er alltaf gaman að heyra frá fólki sem stundar það. Vonandi fáum við að smakka hjá þér við tækifæri.

[Sevedrir]

Takk fyrir góðar móttökur. Akkúrat í kvöld er ég að fara að leggja í snöggan jólamjöð! Hunang, hlynsýróp, mandarínusafi og púðursykur veita sykurinnihaldið (hann verður mjög sætur), svo eftir gerjun verður bætt við kanil, negul og engiferi

[Herra Kristinn]

öööööörgh....

Uppskrift? Aðferð? Gæði?

[Sevedrir]

Sko, ég notaði 1 líter (1200 grömm) af hunangi sem ég fékk í Pólsku búðinni á Smiðjuveginum. Ég notaði síðan hlynsírópið og púðursykurinn til að koma leginum upp í 1.100 S.G. Ég notaði 1/3 af 250 ml flösku af sýrópi, og örugglega 10 matskeiðar af púðursykri, en ég segi bara treystu flotvoginni. Svo kreisti ég safann úr tveim mandarínum útí. Svo setti ég útí 6 negulnagla, svo kem ég til með að setja kannski teskeið af engiferi, 1 1/2-2 tsk af kanil. Notaði Vintner's Harvest SN9 ciderger, sem hefur verið að gera góða hluti fyrir mig fram að þessu, en ég segi bara notaðu það ger sem þér þykir best.

[Herra Kristinn]

Takk kærlega

Geri fastlega ráð fyrir að þetta fari allt saman út í vatn. Hversu mikið?

[Sevedrir]

1 lítri af hunangi gegn restinni af 1. gallon flösku, þ.e. 2.7 lítrar eða svo. Gerðu samt ráð fyrir auka sykrinum svo þú lendir ekki í því sem ég lenti í og endar uppi með meira en þú hafðir pláss í bruggíláti fyrir haha